SHKODER-Një sasi lënde plasëse është vënë në portën e banesë së gjyqtarit të Gjykatës së Shkalles se Parë të Juridiksionit të Përgjithshëm Shkodër, Tonin Sterkaj, informoi paraditen e sotme policia e Shkodrës.
Ngjarja është shënuar rreth orës 03:13, të 28 prillit 2024, në lagjen "Tom Kola" të këtij qyteti. Shpërthimi fatmirësisht nuk ka shkaktuar të lënduar në njerëz por vetëm dëme materiale tek porta e banesës. Në momentin kur ka ndodhur shpërthimi në banesë ka qenë gjyqtari dhe bashkëshortja e tij.
Shpërthim i qëllimshëm
Një grup hetimor po punon për të zbardhur shkaqet dhe autorin. Policia e Shkodrës është e bindur tashmë se vënia e sasisë së lëndës plasëse në shtëpinë e gjyqtarit Tonin Sterkaj është e qëllimshme. Pista kryesore e hetimit është ajo për shkak të detyrës së tij si gjyqtar.
Kamerat filmuan autorin
Kamerat e sigurisë të banesë së gjyqtarit Sterkaj kanë filmuar autorin të veshur me rroba të errëta dhe me maskë i cili në rrugicën ku ndodhet banesa ka hyrë në këmbë dhe pasi afrohet pranë portës lë lëndën plasëse dhe largohet në këmbë sërish përmes rrugicave.
Është marrë në pyetje dhe gjyqtari Sterkaj por dëshmia e tij nuk ka ndihmuar hetuesit pasi ka thënë se nuk kishte dijeni se kush mund të ishte autori. Policia ka sekuestruar dhe kamerat e sigurisë të bizneseve përreth për të mësuar më shumë mbi lëvizjet e autorit.
Tonin Sterkaj ushtron prej shumë vitesh detyrën e gjyqtarit në gjykatën e shkallës së parë në Shkodër ndërsa për një periudhë dy vjeçare ka punuar edhe si gjyqtar në gjykatën e Apelit të Shkodrës. Më pas u kthye si gjyqtar në Gjykatën e Shkalles se Parë të Juridiksionit të Përgjithshëm Shkodër.
Ngjarja është dënuar nga Këshilli i Lartë Gjyqësor, ministri i Drejtësisë, Ulsi Manja e ministri i Brendshëm, Taulant Balla të cilët kanë kërkuar të zbulohen autorët e këtij akti të rëndë, ndërkohë KLGJ pritet të mblidhet nesër për të vendosur për marrjen në mbrotje të gjyqtarit.
Deputeti demokrat Gazment Bardhi ka dënuar ngjarjen në Shkodër, ku gjyqtarit Tonin Sterkaj iu vendos tritol në banesë. Bardhi shkruan se ky është një akt kriminal që cenon sigurinë e familjes së gjyqtarit, por edhe të gjithë shoqërisë.
“Dënoj me forcë aktin kriminal, të dyshuar si i lidhur me detyrën, ndaj gjyqtarit të Shkodrës Tonin Sterkaj. Aktet për intimidimin me metoda mafioze të magjistratëve në detyrë, janë jo vetëm cenim i sigurisë së tyre dhe familjes së tyre, por prekin gjithë shoqërinë”, shkruan Bardhi.
Edhe ministri i Drejtësisë, Ulsi Manja ka reaguar në lidhje me sulmin e ndodhur ndaj gjyqtarit Tonin Sterkaj, në Shkodër, ku në hyrje të shtëpisë së tij, rreth orës 03:13, të 28 prillit 2024, shpërtheu një sasi lënde plasëse.
Përmes një postimi në rrjetin social “Facebook”, Manja shprehet se i ka shprehur gjyqtarit Sterkaj dhe familjes së tij, mbështetjen e plotë.
Ministri kërkon zbardhjen sa më të shpejtë të sulmit ndaj gjyqtarit të Shkodrës, duke e cilësuar si “akt të shëmtuar prej burracakësh që kërkon të intimidojë drejtësinë”.
"Me Tonin Sterkajn më ka njohur puna si drejtues i Prokurorisë Shkodër, gjatë viteve 2002-2007 dhe miqësinë tonë të atyre kohëve të vështira e kemi pasurinë tonë më të madhe. Si mik dhe si koleg, sot, i kam shprehur Toninit dhe familjes së tij gjithë mbështetjen time!
Si Ministër i Drejtësisë, kërkoj nga organet kompetente të zbardhin sa më parë këtë akt të shëmtuar prej burracakësh që kërkon të intimidojë drejtësinë, por që nuk do ia arrijnë dot, aq më tepër me Tonin Sterkajn, gjyqtarin më të vjetër e më me përvojë që ka sistemi i drejtësisë sot në juridiksionin e shkallës së parë!
Sot jam në krah të Toninit dhe familjes së tij dhe jam i bindur se drejtësia do triumfojë dhe në këtë rast!",-shkruan Balla.
Taulant Balla
Burime pranë ministrit të Brendshëm, Taulant Balla, informuan për Report Tv se ai ka pasur një komunikim telefonik me gjyqtarin Sterkaj, të cilin e ka siguruar për marrjen e masave te menjëhershme për garantimin e sigurisë së tij.
Gjithashtu nesër ne KLGJ do të mblidhet dhe Komisioni i Posaçëm për Mbrojtjen e Gjyqtarëve, ku do të marrë pjesë edhe vetë ministri i Brendshëm, Taulant Balla.
Këshilli Lartë Gjyqësor ka reaguar në lidhje me sulmin e ndodhur ndaj gjyqtarit Tonin Sterkaj, në Shkodër, ku në hyrje të shtëpisë së tij, rreth orës 03:13, të 28 prillit 2024, shpërtheu një sasi lënde plasëse.
Përmes një deklarate të publikuar në rrjetin social “Facebook”, KLGJ dënon aktin kriminal dhe i kërkon autoriteteve përkatëse zbardhjen e ngjarjes dhe nxjerrjen para përgjegjësisë të autorëve.
Këshilli i Lartë Gjyqësor i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve.
“Duke marrë shkas nga informacionet e përcjella nga media e shkruar dhe vizive si edhe bazuar në informacionin paraprak të Policisë, ditën e sotme lidhur me ngjarjen e ndodhur në banesën e magjistratit z. Tonin Sterkaj, me funksion gjyqtar në Gjykatën e Shkallës së Parë të Juridiksionit të Përgjithshëm Shkodër, Këshilli i Lartë Gjyqësor përcjell shqetësimin për këto akte që cenojnë rëndë sigurinë e gjyqtarit dhe përbëjnë kërcënim serioz për gjithë shoqërinë shqiptare.
Këshilli i Lartë Gjyqësor dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.
Këshilli i Lartë Gjyqësor i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve, pasi respektimi i funksionit dhe dinjitetit të tyre, është parakusht për një proces të rregullt ligjor, për një sistem drejtësie efektiv dhe efikas, por edhe për funksionimin normal të shtetit të së drejtës|,-thuhet në deklaratën e KLGJ-së.
Gjyqtari Tonin Stërkaj
Policia e Shkodrës po heton pistën e hetimit për shkak të detyrës, shpërthimin e ndodhur në banesën e gjyqtarit të gjykatës së Shkodrës, Tonin Stërkaj.
Gjatë dëshmisë së tij Sterkaj ka thënë se ka qenë me bashkëshorten në banesë kur ka dëgjuar shpërthimin. Ka dalë në ballkon, por pa e ditur se tritoli ishte vendosur në derën e tij. Ka qenë komshia që e ka njoftuar dhe më pas ka kuptuar se eksplozivi ishte vendosur në banesën e tij.
“Nuk kam dijeni se kush e ka bërë, unë jam gjyqtar dhe kam çështje penale çdo ditë në gjykim”, mësohet të ketë thënë ai.
Tonin Sterkaj ushtron prej shumë vitesh detyrën e gjyqtarit në gjykatën e shkallës së parë në Shkodër ndërsa për një periudhë dy vjeçare ka punuar edhe si gjyqtar në gjykatën e Apelit të Shkodrës. Më pas u kthye si gjyqtar në Gjykatën e Shkalles se Parë të Juridiksionit të Përgjithshëm Shkodër,
Policia e Shkodrës është e bindur tashmë se vënia e sasisë së lëndës plasëse në shtëpinë e gjyqtarit Tonin Sterkaj është e qëllimshme.
Deri më tani nuk ka persona të dyshuar, por referuar pamjeve të kamerave të sigurisë, shihet një person që vjen në këmbë lë sasinë e lëndës plasëse dhe po ashtu në këmbë largohet përmes rrugicave.
Autori është me rroba të errta dhe i maskuar në pjesën e sipërme të kokës. Hetuesit janë përqendruar në verifikimin e kamerave të sigurisë në një rreze më të largët për të lokalizuar autorin. Nga ana tjetër, gjyqtari Sterkaj nuk ka ndihmuar shumë hetuesit për t'i dhënë një drejtim të qartë të hetimeve, pasi nuk ka dijeni se kush mund të jetë autor, informon gazetari i Shqiptarja.com dhe Report Tv, Sokol Dema.
Ekspertë të grupit hetimor kanë rrethuar banesën e gjyqtarit të Gjykatës së Shkalles se Parë të Juridiksionit të Përgjithshëm Shkodër, Tonin Sterkaj, ku rreth orës 03:00 të mëngjesit të sotëm është hedhur një sasi tritoli. Banesa në lagjen "Tom Kola" është rrethuar me shirit dhe pas mbledhjes së provave materiale një element I rëndësishëm për hetimet është dhe dëshmia e gjyqtarit apo dhe e familjarëve të tij.
Komente
Lajme të tjera
-
Shkodër, i vjedhin në rrugë çantën me 170 000 lekë dhe paketa me cigare, arrestohen hajdutët
20 Dhjetor, 11:13 -
Do zhvillojë turizmin në Shkodër, drejt përfundimit rruga e re Shëngjin-Velipojë (VIDEO)
20 Dhjetor, 08:23 -
Shkodër/ Miratohet buxheti 29 milionë euro për 2025! Opozita bën ‘mosbindje civile’
19 Dhjetor, 20:44
-
Dosja 'Metamorfoza'/ Kërkesa e biznesmenit Pëllumb Gjoka për pavlefshmëri të përgjimeve nga Sky ECC, Kushtetuesja tërhiqet për vendim
19 Dhjetor, 15:05 -
Hapet tenderi 364 mln euro për ndërtimin e Milot-Balldre! Jepet për 35 vite me koncesion! Autostrada 17 km do jetë me pagesë
19 Dhjetor, 13:53
-
Në kërkim nga Spanja për trafik droge, arrestohet i riu në Shkodër (EMRI)
19 Dhjetor, 09:37 -
Shkodër/ Rijetëzimi i zonës së Zdrales, nis restaurimi i fasadave të banesave
18 Dhjetor, 15:03 -
Bashkia e Shkodrës ‘harron’ urimin për Krishtlindje, famullitari i Shkodrës: Pse me e fsheh, kur dikush është në festë?!
17 Dhjetor, 09:28 -
Shkodër/ Kanosi dhe goditi me grusht punonjësin e Policisë Bashkiake, arrestohet autori
16 Dhjetor, 16:00 -
Shkodër/ Ujësjellësi investoi 14 milion lek, banorët e Postribës: Uji vjen sërish i ndotur, problematika s'është zgjidhur! Të ndalet aktiviteti i guroreve
16 Dhjetor, 14:41
-
Tentoi të kalonte kufirin me kanabis në makinë, arrestohet në Muriqan 35-vjeçari nga Kosova
16 Dhjetor, 13:53 -
VIDEOLAJM/ Mbahet në Shkodër Kupa e Kombit në Paragliding! Pilotë nga rajoni e më gjerë pjesëmarrës në edicionin e parë
16 Dhjetor, 08:50
/Cenim te sigurise te gjithe shoqerise/-e quan midis te tjerash Bardhi.Siguria e shoqerise u zhduk qe ne vitet 90',qe me bombat e para qe ju vune ne deren e apt.ne nje pallat afer qendres se Tiranes nje njeriu te drejtesise dhe me vone marketit te Vefes,ne se ju kujtohen keto dy raste qe ishin nga te parat,qe bene goxha buje ne media e ne popull,pastaj ndodhi 97' dhe / all Hell broke loose/! Por me kujtohet atehere kur u vune bombat e para,kur kaloja ne rruge cdo makine e parkuar me dukej sikur ishte potencial shperthimi.Humbem,sigurine,humbem qetesine e paqen,humbem besimin te njeri-tjetri dhe shteti.Bardhi eshte pak si vone me deklaratat e tij.Shoqeria e ka humbur sigurine prej 30' vitesh.
Përgjigjuduket sikur tritoli ka prapavije politike per te thene rrini urte se ka edhe me keq
PërgjigjuAkoma pa shperthy mire tritoli doli Gazmend Bardhi me deklaru kunder krimit!Keta qe djegin Parlamentin institucionet shpifin e shajn gjithe diten keta qe duan ta kthejn zhvillimin e Shqiperis mbrapsh keta qe duan ta bejn Tiranen Tropoj dhe jo Evrop!Gjyqtaret dhe hetuset gjithmone e kane rrezikun afer vetes!
PërgjigjuSi do si te jete kjo nuk ashte siguri. Ca prete nje qytetare i thjeshte per sigurin. Lavdi PPSH
PërgjigjuDhuna ska justifikim por ketij gjygjtar para disa viteve iu vu zjarr shtepise tij… dmth dikuj i ka marr lek dhe nuk i ka kryer punen.
PërgjigjuTritolin ne rradhe te pare e duan ata qe nxjerrin ligjin e amnistise edhe per kriminelet dhe hajdutet.
PërgjigjuI leshoi krimjnelat Tao per te vrare gjyqtaret dhe prokuroret qe kane guxuar ti fusin ne burg.
PërgjigjuPerfundimisht qyteti ma kriminal Nbot i viteve tfundit
Përgjigju