POP 5

Lajmet më të lexuara të 5 minutave të fundit

Sport

Shkodra dhe Lezha, FSHF gati skenarin për vjedhjen 6 votave të fundit nga shoqatat për Armand Dukën

Mungesa e informacionit si dhe manipulimet me listën e anëtarëve janë dy monovrat që FSHF po bën me zgjedhjet e fundit në shoqatat rajonale të futbollit në Shkodër dhe Lezhë. Deri më tani, për shkak të shkeljeve që në disa raste kanë përfunduar në prokurori, federata ka siguruar 31 nga 55 vota që janë gjithsej me qëllim që Armand Duka të zgjidhet për herë të 6 president.

Shkodra dhe Lezha janë dy rajonet që ende nuk i kanë zhvilluar asambletë zgjedhore në futboll, por kjo nuk e ka penguar federatën shqiptare të futbollit që në emër të Armand Dukës t’i shtie në dorë. Më 8 shkurt në program janë zgjedhjet në Shkodër, por edhe pse kanë mbetur më pak se 24 orë nuk dihen ende kandidatët për kryetar.

Për këtë pozicion kandidon Kujtim Shaba, i cili për Report TV ditë më parë ka treguar se edhe pse është propozuar nga 3 anëtarë nuk konfirmohet as nga shoqata e Shkodrës dhe as nga FSHF. Ai është kundërshtari i federatës dhe për këtë arsye pretendon se listat e votuesve nuk i vendosen në dispozicion.

"Me datë 22 dhjetor kam dërguar një shkresë te shoqata e Shkodrës ku i pyes nëse jam kandidat? Dhe nëse jam më vendosni në diospozicion listën e votuesve. I kërkova me qëllim për të bërë fushatën. Nuk di sa anëtarë janë, nga 17 po më dalin 27. Po kush i lejon 27?! Janë si Enver Hoxha,”-u shpreh Kujtim Shaba, trajner dhe ish-drejtues futbolli.

Një ditë më pas, më 9 shkurt, do jetë rradha e shoqatës së Lezhës për të kryer zgjedhjet. Edhe në këtë rajon nuk ka asnjë informacion për kandidatët, ndërsa mungon edhe lista e anëtarëve, me qëllim që federata në fund t’i manipulojë, njëjtë siç ndodhi në Tirana, Durrës, Elbasan, Fier, Korçë dhe Gjirokastër.

Si Shkodra edhe Lezha dërgojnë nga 3 delegatë në zgjedhjet për presidentin e ri të FSHF-së që zgjidhet më 2 mars. Kjo do të thotë se janë 6 vota të tjera plus për Armand Dukën, që deri më tani ka siguarua edhe 25 të tjera falë manipulimeve me zgjedhjet në shoqatat rajonale të futbollit.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu