POP 5

Lajmet më të lexuara të 5 minutave të fundit

Sport

Shkodra pa gjumë, futbollistët e Vllaznisë pritet si heronj! Presidenti Xhaferri: Jemi të veçantë

Ka zgjatur deri në orët e para të mëngjesit festa e tifozëve shkodran për fitimin e Kupës nga Vllaznia. Futbollistët dhe drejtuesit janë pritur me ovacione dhe kore mbështetëse, ndërsa u opremtua që e ardhmja të jetë edhe më pozitive.

Si heronj janë pritur në Shkodër futbollistët e Vllaznisë të cilët fituan Kupën e Shqipërisë me rezultatin 2-1 kundër Laçit. Në qytet festa për këtë arritje ka zgjatur deri në orët e para të mëngjesit.

Entuziazmi ishte i madh për shkak se ky është sezoni i dytë radhazi që arrihet ky objektiv, ndërsa me fitimin e Kupës Vllaznia siguroi edhe kualifikimin në Kupat e Europës.

“Tifozët e Vllaznisë janë të veçantë dhe unë jam një ndër ta. Jan lojtarë ynë i 12 dhe ne kemi shumë nevojë për ta. Shpresoj që e kemi justifikuar besimin e tyre,”-u shpreh Alban Xhaferri, president i Vllaznisë.

“Urime pafund për këto djem të mrekullueshëm që na falën këto emocione të jashtëzakonshme sonte për të gjithë shkodranët që ndodhen jo vetëm në qytet, por në të gjithë botën,”-deklaroi Bardh Spahia, kryebashkiak i Shkodrës.

“Fitimin e Kupës ia dedikoi edhe paraardhësve të mi, qoftë Elvisit, qoftë Plorit, por edhe Brdaric,”-tha Mirel Jose, trajner i Vllaznisë.

“Është një emocion i paparë sepse në këtë qytet nëse fiton çdo vit nuk është monoton, por çdo vit bëhet gjithmonë e më bukur,”-deklaroi Mevlan Adili, futbollist i Vllaznisë.

Në sheshin para bashkisë përveç koreve dhe këngëve mbështetëse pati edhe fishekzjarre.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord me nismën e PS për të zbuluar politikanët bashkëpunëtorë të ish-sigurimit?

Lajme të tjera



×

Lajmi i fundit

Radha kilometrike në Kakavijë, Meta thirrje Ramës dhe Xhaçkës: Ndërprisni pushimet, qytetarët të mos trajtohen si njerëz pa atdhe! Ngrihuni në këmbë për garantimin e lëvizjes së lirë

Radha kilometrike në Kakavijë, Meta thirrje Ramës dhe Xhaçkës: Ndërprisni pushimet, qytetarët të mos trajtohen si njerëz pa atdhe! Ngrihuni në këmbë për garantimin e lëvizjes së lirë

13 Gusht, 10:30