POP 5

Lajmet më të lexuara të 5 minutave të fundit

Kronikë

Tentoi të këmbente 2 mijë dollarë false në 'Exchange', autori identifikohet prej tatuazhit në krahë! Dëshmia në gjykatë: Gjeta 8 mijë dollarë në rrugë, të tjerat i dogja! Se dija që nuk ishin të vërteta

Burg për të riun dhe 2 bashkëpunëtorët e tij, kryen të paktën 20 këmbime parash false. Identifikimi i autorit u bë përmes tatuazhit në krahë që dukej në kamerat e 'Exchange-it’ ku tentoi të thyente 2 mijë dollarë false. Autori dhe 2 bashkëpunëtorët e tij kanë kryer të paktën 20 shkëmbime parash false në pikat e kuptimit valutor.

TIRANË-Tre të rinjtë Viard Kotori 29 vjeç, Etmond Dokushi, 32 vjeç, dhe Ervin Kamolli, 32 vjeç, të akuzuar për falsifikim monedhash do të qëndrojnë në qeli. Gjykata e Tiranës vendosi masën arrest me burg për 3 të rinjtë. Të rinjtë u arrestuan 18 prill 2022, ku autori Viard Kotori tentoi të thyente në një 'Exchange' 2 mijë dollarë të falsifikuar. Ka qenë punonjësja e këtij 'Exchange' që zbuloi falsifikimin dhe lajmëroi policinë, ku më pas u vunë në pranga tre persona. Report Tv siguroi videon nga 'Exchange' ku 29-vjeçari tentoi t’ia hidhte  punonjëses së ''Exchange' në Tiranë, por plani nuk i shkoi siç e kishte menduar. Punonjësja e kuptoi se diçka nuk po shkonte sapo preku dollarët.

Kotori u shfaqur në gjykatë i qetë dhe i buzëqeshur, madje ka përshëndetur mediat me dy gishta lart, ndërsa para trupit gjykues mohoi që paratë false të ishin të tijat, por se i m kishte gjetur ato në rrugë. Ai madje shtoi se kishte gjetur 8 mijë dollarë, por të tjerat i kishte djegur. Edhe më habitëse ishte argumenti i avokatit të tij mbrojtës, Enea Cenko tha se klienti i tij është rritur në fshatin SOS dhe se i buzëqeshi fati duke i gjetur në rrugë.

Ngjarja ka ndodhur më 29 mars 2022, ku pas denoncimit policia është vënë në ndjekje të autorit dhe 2 bashkëpunëtorëve të tij, duke i mbajtur nën vëzhgim prej javësh ku zbuloi aktivitetin e tyre. Identifikimi i autorit u bë përmes tatuazhit që kishte në krahë që dukej në kamerat e 'Exchange-it’ dhe makinës që përdorte.

Të rinjtë në bashkëpunim me njëri-tjetrin kanë kryer të paktën 20 shkëmbime parash false në pikat e kuptimit valutor. Ata kanë hedhur në qarkullim nëpër biznese në Tiranë, por edhe qytete të tjera kartëmonedha të prerjes 50 dollarë. Arrestimi i tyre u bë pas një hetimi disa javor, ndërsa ndaj tyre rëndon akuza për veprën penale "Falsifikimi i monedhave", kryer në bashkëpunim. Në total janë sekuestruar 3650 $, që nëse nuk do ishin kapur do të ishin gati për t'u hedhur në treg.

 

 

 

Momenti ku u diktua nga punonjesja e Exchange

Rendit zhvillimet sipas orarit:
Ora 10:53
Tentoi të këmbente 2 mijë dollarë false në 'Exchange', video ku autori shfaqet i buzëqeshur dhe me dy gishta lart

Viard Kotori, 29 vjeç, i cili akuzohet për falsifikim monedhash është shfaqur para gjykatës i qetë dhe i buzëqeshur, madje ka përshëndetur mediat me dy gishta lart.

I.K/Shqiptarja.com

Ora 10:41
Kotori dënohet me burg për falsifikim parash, avokati: Ai është rritur në fshatit SOS, i buzëqeshi fati kur i gjeti në rrugë

Avokati mbrojtës i Viard Kotorit, Enea Cenko tha se klienti i tij është penduar që ka tentuar të thyente dollarë false në 'Exchange' duke thënë se ai është rritur në fshatin SOS dhe se i buzëqeshi fati duke i gjetur në rrugë.

 “Kotori është i penduar dhe se nuk e dinte që dollarët ishin false. Dy shokët e tij nuk kanë lidhje me krimin dhe se do të bashkëpunojnë me drejtësinë. Ai është rritur në fshatin SOS, i buzëqeshi fati duke i gjetur në rrugë”, tha avokati.

I.K/Shqiptarja.com

Ora 10:40
Tentoi të këmbente 2 mijë dollarë false, autori: Gjeta 8 mijë dollarë në rrugë në Laprakë, të tjerat i dogja! Se dija që nuk ishin të vërteta

Viard Kotori së bashku me dy shokët e tij u lanë në burg nga gjykata për falsifikim parash. Kotori u justifikua para gjykatës se paratë i ka gjetur në rrugë në zonë  e Laprakës. Ai tha se nuk e dinte se ato ishin false, madje shton se kishte gjetur 8 mijë dollarë dhe jo 2 mijë sa donte të thyente në 'Exchange', por se të tjerat i kishte djegur.

“Paratë i gjeta në rrugë në zonën e Laprakës, ishin rreth 8 mijë dollarë, të tjerat i dogja”, tha Kotori.

I.K/Shqiptarja.com

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhixhi: 20/04/2022 22:01

    O zot ca histori koti. Gjeta 8000 dollar rruges dhe nje pjese i dogja. As nje femije 2 vjec nuk e beson nje gomarllik te tille. Avokat koti.

    Përgjigju
  • Qemoli: 20/04/2022 12:13

    O avokato ai tha vajzes te exchange qe ato jan terhequr nga banka Me pas iku dhe i la dollaret . Tani thot qe gjeta 8 mij dollar Tjerat i dogja !!! Pastaj i rritur ne fshatin sos Me mini cooper 2017. Cdo gje ndodh ne albanistan ,

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13