'Shkoi ta takonte por në shkallët e pallatit mori lajmin: Zefi na la!' Edmond Halili tregon momentin prekës: Më këputi këmbët

 

“Është një humbje e madhe për qytetin e Shkodrës dhe mbarë Shqipërinë. Si Zef Deda nuk ban nana ma!” thotë aktori i humorit Edmond Halili.

Prej vitesh ishin më shumë se miq me njëri tjetrin dhe dje kishte shkuar për ta takuar por mori lajmin e hidhur.

 “Nuk e dija që ishte rëndë dhe doja të shkoja për një kafe. Në kat të dytë doli një djalë me çantë. Më tha jam infermier. E pyeta si është Zefi? Më tha na la. Sa dha shpirt. Më këputi këmbët’ tregon për gazetarët Halili.
 

Ata ishin miq të ngushtë. Halili tregon dhe bisedën me bashkëshorten e Zef Dedës.

“Zefi të kishte në gojë. Si s’po vjen Mondi të më takojë se më ka këputur këmbët; tregon ai.

Shkodra i jep sot lamtumirën njeriut që i fali aq shumë buzëqeshje edhe në vitet e vështira.

Prej orës 09:00 Teatri “Migjeni’ hapi dyert për të pritur miq, të afërm, aktorë dhe artëdashës që duan ti bëjnë nderimet e fundit aktorit që u nderua me titullin "Mjeshtri i madh" Zef Deda  

Lajmi kryesor:

Shkodra i jep lamtumirën mjeshtrit të humorit Zef Deda! Duartrokitja e fundit dhe lot në Teatrin 'Migjeni'! Aktorët: U shua një yll! Juli: Na ndihmo nga lart!

S.G/r.k./Shqiptarja.com

TAG:
• Shkoder
• Zef Deda