POP 5

Lajmet më të lexuara të 5 minutave të fundit

Sociale

Shkolla e Magjistraturës shpall listën përfundimtare të konkurrentëve për fazën e dytë, shtohen edhe 10 kandidatë të tjerë

Shkolla e Magjistraturës ka shpallur listën përfundimtare të konkurrentëve që do të vijojnë fazën e dytë të provimit të pranimit.

Shkolla e Magjistraturës shpall listën përfundimtare të konkurrentëve për fazën e dytë, shtohen edhe 10 kandidatë të tjerë

Shkolla e Magjistraturës ka shpallur listën përfundimtare të konkurrentëve që do të vijojnë fazën e dytë të provimit të pranimit.

Ajo që vihet re në listën e publikuar sot nga Shkolla e Magjistraturës, është se janë shtuar 10 kandidatë, nga 121 që ishin fitues të fazës së parë, lista ka shkuar në 131.

Gazetarja Anila Hoxha raporton se për Shkollën e Magjistraturës, provimi është ndarë në tre faza. Fillimisht në fazën e parë u shpallën 79 persona, pasi faji iu faturua ‘scanton’, lista për fazën e dytë shkoi në 121 fitues, dhe së fundmi doli lista me 131 emra që do të shkojnë në provim ditën e nesërme.

Për konkursin e Magjistraturës nga ku konfirmohen gjyqtarët dhe prokurorët e rinj të vendit, ka pasur hije të forta skandali me akuza të publikuara një ditë më parë ku thuhet se lista e fituesve të provimit të fazës së parë është ndryshuar sërish pasi ishte bërë zyrtare.

Për akuzat ka pasur një reagim zyrtar edhe nga ana e Shkollës së Magjistraturës ku pretendohet se lista e fituesve është shpallur para të gjithë të pranishmëve dhe se numri i kandidatëve fitues kishte rezultuar më i lartë pas një verifikimi të dytë të bërë.

Sot, provimi për fazën e dytë është shtyrë dy herë, si fillim nga 08:00 për në orën 15:00 dhe tani për ditën e nesërme.

"Mbi listën përfundimtare të konkurrentëve të kualifikuar për të marrë pjesë në fazën e dytë (testin profesional) të provimit të pranimit në profilin gjyqtar/prokuror/ndihmës ligjorë në Shkollën e Magjistraturës për vitin akademik 2024-2025 dhe datën dhe orën e zhvillimit të provimit

Shkolla e Magjistraturës, në përfundim të procesit të vlerësimit të ankesave, bazuar në Rregulloren e Brendshme të Shkollës së Magjistraturës, shpall listën përfundimtare të konkurrentëve që do të vijojnë fazën e dytë të provimit të pranimit.

Faza e dytë e provimit të pranimit do të zhvillohet në dy ditë, konkretisht:

Dita e parë e fazës së dytë të provimit:

Datë 25 prill 2024, ora 8.00, në ambjentet e Parkut Olimpik, Salla “Feti Borova”, Tiranë

Dita e dytë e provimit të pranimit:

Datë 29 prill 2024, ora 11.00, në ambjentet e Parkut Olimpik, Salla “Feti Borova”, Tiranë.

Rikujtojmë se faza e dytë e provimit të pranimit zhvillohet në dy ditë të ndryshme, ku, ditën e parë, zhvillohet provim mbi 5 (pesë) teza, ndërsa në ditën e dytë, zhvillohet provim mbi 3 (tre) raste praktike nga e drejta civile, e drejta penale dhe e drejta administrative",-thuhet në njoftim. / Top Channel 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu