Shkon në 1,669 numri i viktimave nga koronavirusi, 69 256 persona janë të infektuar

Shkon në 1,669 numri i viktimave nga koronavirusi, ndërsa 69 mijë e 256 është numri i rasteve të konfirmuar të infektuar deri tani në të gjithë botën. Sipas të dhënave të raportuara nga autoriteti shëndetësor, rreth  68.500 raste të virusit janë  regjistruar gjatë 24 orëve të fundit në territorin e Kinës çka do të thotë rreth 2 mijë e 9 persona më tepër nga një ditë më parë.

Autoritetet shëndetësore kineze bëjnë me dije se rreth 142 persona kanë humbur jetën vetëm këtë të shtunë, katër prej të cilëve jashtë territorit të Kinës. Kujtojmë se, ditën e djeshme po ashtu është shënuar edhe vdekja e parë nga Covid-19 jashtë Azisë.

Vdekja e parë u raportua në Francë dhe bëhej fjalë për një turist 80 vjeçar kinez që kishte marrë trajtim për Covid-19 që nga 25 janari. Vdekjet e tjera kanë ndodhur edhe në Hong Kong, Filipine dhe Japoni.

Deri më tani, pothuajse 9,500 pacientë me koronavirus janë trajtuar dhe shkarkuar nga spitalet në të gjithë Kinën, thanë autoritetet shëndetësore të vendit.

Sidoqoftë, ekzistojnë shqetësime se masat e rrepta karantine të marra në të gjithë vendin mund të mos kenë qenë të mjaftueshme për të përmirësuar pengimin e përhapjes së virusit - disa qytete të mëdha tani kanë qenë në mbyllje për gati një muaj. Të shtunën, autoritetet në Pekin urdhëruan një karantinë të detyrueshme 14-ditore për të gjithë udhëtarët që ktheheshin në qytet, dhe kushdo që do të shkelte rregullat do t’i nënshtroheshin pasojave të mundshme ligjore.

TAG:
• Kine
• koronavirusi