PERRENJAS- Tentativa për të shmangur përplasjen me një automjet në rrugë ka qenë fatale për pasagjerët që udhëtonin në një mikrobus të linjës Tiranë –Strugë.

Aksidenti i rëndë me 2 të vdekur, 3 të plagosur rëndë dhe 14 të tjerë të plagosur më lehtë u shënua mesditën e sotme në aksin rrugor Prrenjas -Qafë Thanë.
 
Viktimat janë Klaudia Nushi, 25 vjec dhe Altije Toska 66 vjeç. Ndërkohë, njëri prej 3 personave të plagosur rëndë është drejtuesi i mikrobusit me inicialet B.K. 

Mikrobusi 21 vendësh ka dalë nga rruga në vendin e quajtur “Ura e madhe” dhe në mjet udhëtonin 19 persona.
 
Sipas policisë pasagjerët ishin kryesisht anëtarë të shoqatës së pensionistëve ishin nisur nga Tirana për në Strugë. 

Mësohet se në spitalin e Librazhdit janë shtruar 7 prej të plagosurve, ndërsa pjesa tjetër ka marrë mjekimin dhe janë larguar. Në vendgjarje mbërritën 2 autoambulca duke bërë edhe trasnportimin e të lënduarve drejt spitalit të Librazhdit.

Shkak i aksidentit sipas policisë së qarkut të Elbasanit ka qenë mjeti tip ford me targa AA 803 TT, me drejtues F. S, pasi dyshohet se i ka prerë rrugën mikrobuzit në rrugë. Ndërkohë, drejtuesi i këtij të fundit në përpjekje për të shmangur përplasjen me autoveturën, ka devijuar rrugën duke u përplasur me shtyllën e tensionit dhe më pas mikrobusi është përmbysur në anë të rrugës. Drejtuesi I mjetit tip ford është shoqëruar në polici.

aksidentohet furgoni ne prrenjas me logo
(Foto: Mikrobusi që doli nga rruga)Foto të tjera



TE PLAGOSURIT LEHTE 
Rezarta Duka 33 vjeç
Drita Palushi, 65 vjeç
Rije Daja 68 vjeç 
Gjinovefa Thithi 61 vjeç
Skender Shpati 79 vjeç 
Skender Baze 65 vjeç
Entela Rroka 29 vjeç
Arben Plaushi 35 vjec
Enver Palushi 70 vjec
Donika Muca 
Resmie Duka 55 vjec
Liri Tahulla 63 vjec
Llambin Gjinari 73 vjec
Adriana Meci 55 vjec
Mira Shakiri 64 vjec
Isuf mano 68 vjec

Redaksia online
(esh/sg/shqiptarja.com)