POP 5

Lajmet më të lexuara të 5 minutave të fundit

Kronikë

Njoftimi i rremë për pagesën e plotë të tarifave të studimit/ Rama: Dezinformim! Qeveria kalon lekët tek Universiteti brenda janarit

Kryeministri Edi Rama ka reaguar pas një shkrese të rreme që qarkulloi në rrjetet sociale dhe portalet pranë PD ku thuhej se studentët e Inxhinierisë së Ndërtimit, janë të detyruar të paguajnë tarifën e plotë të studimit brenda 28 Janarit. Rama sqaron se është miratuar vendimi që i hap rrugë përgjysmimit të tarifave për të gjithë studentët.

Njoftimi i rremë për pagesën e plotë të tarifave të studimit/ Rama: Dezinformim! Qeveria kalon lekët tek Universiteti brenda janarit

Edi Rama, kryeministër

Kryeministri Edi Rama e quan dezinformim shkresën e rreme, (Lexo këtu), që qarkulloi paraditen e sotme në rrjetet sociale dhe portalet pranë Partisë Demokratike se studentët janë të detyruar të paguajnë tarifën e plotë të studimit brenda 28 Janarit 2019. Rama thotë se se në bashkëpunim me pengmarrësit e protestës janë edhe ata që i quan "fundërrina" të Universitetit. Rama iu bën apel studentëve të mos paguajnë më shumë se 50% të tarifave.

"Pengmarrësit që e degjeneruan protestën studentore në mbyllje dyersh me dhunë e në shfaqje rrugore të brutalitetit të injorancës, po përpiqen të dizinformojnë studentët lidhur me tarifat në bashkëpunim me disa fundërrina të universitetit! Askush të mos paguajë më shumë se 50%."-shkruan Rama në rrjetet sociale.

Më tej, kryeministri sqaron se është miratuar vendimi që i hap rrugë përgjysmimit të tarifave për të gjithë studentët.

"Eshtë miratuar në dhjetor VKM për të paguar 50% të tarifave për të gjithë (100% për ata me 9/10 e me ndihme ekonomike+burse 10 mije lek)dhe qeveria do t'ua kalojë lekët direkt universiteteve një për një brenda janarit!Fryma e qëllimet e protestës janë tanimë pjesë e rrugës sonë"-thotë Rama. 

Kryeministri Edi Rama i referohet kësaj shkrese të rremë e cila u bë publike ditën e sotme, dhe ku thuhet se të gjithë studentët që janë pjesë e Fakultetit të Inxhinierisë së Ndërtimit, duhet që t'i paguajnë tarifat e plota brenda 28 janarit.

Njoftimi i rremë për pagesën e plotë të tarifës së shkollimit ku iu kërkohet studentëve të inxhinierisë të bëjnë pagesën para 28 janarit


Lajmi kryesor:

Qeveria u plotësoi kërkesat në dhjetor/ Studentët rikthehen në auditore, shuhet protesta
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Stafi i Harris: Rezultatet e shteteve kryesore do të shpallen nesër

Stafi i Harris: Rezultatet e shteteve kryesore do të shpallen nesër

5 Nëntor, 17:10