POP 5

Lajmet më të lexuara të 5 minutave të fundit

Ekonomi

‘Shkrihet’ Drejtoria, 2 ‘SH.A’ për Hekurudhën shqiptare! Transporti i pasagjerëve në duart e privatit, PD: Punonjësit po paguhen kot (VIDEO)

Drafti: Administratori Shtetëror do menaxhojë vetëm shinat! Mes debateve, u miratua në Komisionin Parlamentar një projektligj i qeverisë, që shkrin drejtorinë e Hekurudhës Shqiptare dhe e vë atë në duar të 2 administratorëve, njëri prej të cilëve mund të jetë privat

Shoqëria “Hekurudha Shqiptare”, e cila drejtohet nga Ergys Verdho dhe aktualisht është në zotërim të Ministrisë së Financave, do të shkrihet dhe sipas një projektligji të fundit të qeverisë, do të ndahet në 2 shoqëri aksionere, të cilat do të jenë në varësi të një tjetër ministrie, asaj të Infrastrukturës.

Nuk përjashtohet mundësia që njëra nga shoqëritë, ajo që do të ketë në dorë transportin e mallrave, atë të pasagjerëve dhe mirëmbajtjen e trenave, të jetë në duart e privatit.

“Sipërmarrësi hekurudhor mund të jetë shtetëror, mund të jetë privat në varësi të vendimmarrjes që do të ketë shteti për atë sektor”, tha përfaqësuesja e Ministrisë së Infrastrukturës, Erjola Muka.

100% në dorë të shtetit do të jetë vetëm shoqëria që do të administrojë vetëm rrjetin e shinave. Shoqëritë e reja do të ndajnë mes tyre edhe pasuritë dhe borxhet e Shoqërisë aktuale.

“Borxhet do të ndahet mes dy shoqërive në mënyrë të qartë nga ekspertët”, tha zëvendësministrja Enkeleida Muça.

Ky ndryshim ligjor u miratua mes debateve të forta në Komisionin parlamentar të Veprimtarive Prodhuese sot (10 Dhjetor), ku opozita akuzoi se 659 punonjës që janë aktualisht në drejtorinë e Hekurudhës Shqiptare, paguhen kot pasi trenat për pasagjerë nuk funksionojnë

“Ka 12 vite që jeni në pushtet dhe na ka marrë malli të dëgjojmë borinë e trenit. Keni futur në punë patronazhistë, pse u mbajtën këto drejtori kur nuk ka asnjë tren pasagjerësh dhe mallrash që qarkullon në vend? Pse nuk është futur në punë hekurudha Tiranë-Durrës?”, pyeti deputeti demokrat Xhelal Mziu.

Opozita kërkoi sqarime se çfarë ka ndryshuar nga viti 2021, kur në atë kohë ishte vendosur që “Hekurudha Shqiptare” do të ndahej në 4 shoqëri 100% shtetërore.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/12/2024 04:02

    Filluan qokat per miqte dhe oligarket dhe te hekurudhat,po i kalojne ne dore te privatit dhe cmimi i perdorimit te tyre si per mallra e per pasagjere do te shkoje si te udhetosh me avion.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

11 Janar, 13:37