Një shkrim në “La Repubblica’, i gazetarit Gerardo Greco i marrë me shpejtësi nga një pjesë e mirë e mediave italiane, ka rikthyer në Itali në qendër të vëmendjes Kryeministrin Rama dhe marrëveshjen e tij me Melonin për emigrantët e paligjshëm.
Në raportimin e La Repubblica shkruhet se Kryeministri kishte kritikuar marrëveshjen, ndërsa nuk kanë munguar tituj si ‘Rama ndryshon mendje’, ‘Rama lëshon Melonin’ ‘Rama: Marrëveshja nuk do të funksionojë’ etj.
La Republica citon Ramën kur shkruan se kryeministri shqiptar ka vënë në dyshim funksionimin e marrëveshjes për emigrantët në Gjadër për shkak të procedurave ligjore, planin Matei për të dërguar para dhe bashkëpunim ekonomik me vende afrikane, por mbi të gjitha i referohen Ramës se ka thënë së në fakt këtë krizë emigrantësh në Itali do ta menaxhonte shumë mirë Massimo D’Alema, një ish kryeministër italian i viteve 1998-2000 që menaxhoi krizën e emigrantëve me Shqipërinë.
Por në një postim të gjatë në ‘X’, Kryeministri Rama mohon gjithçka është shkruar. Ai thotë se as nuk ka ndryshuar mendje, se nuk ka dhënë një intervistë por ka biseduar me një mik, ndërsa mohon edhe kontekstin që i është dhënë fjalëve të tij për D’Aleman.
'Jo, as kam ndryshuar ide, as kam dhënë intervistë. Kam bërë shqiptarin që praktikon fenë e vet të lashtë të mikpritjes – shtëpia e shqiptarit është e Zotit dhe e mikut – duke iu ofruar një kafe disa miqve të mirë që kishin ardhur në Tiranë nga Italia. Folëm për shumë gjëra në një atmosferë të bukur miqësore dhe, sigurisht, edhe për marrëveshjen dhe historinë e imigracionit klandestin nga Shqipëria drejt Italisë, të cilit qeveria D’Alema arriti t’i jepte fund me një logjikë dhe largpamësi strategjike. Kurrë, ama, nuk e kisha menduar që do të përfundoja edhe njëherë në batakun e luftës politike italiane, duke më cituar me fjalë që nuk i kam thënë kurrë, të llojit “do jetë një dështim” ose “do duhej D’Alema” nën titullin “Rama heq dorë nga Meloni”, ku nuk e gjej aspak veten.'- shkruan Rama.
Rama përsërit se sikur të kthehej mbrapsht 100 herë, do ta bënte marrëveshjen me Italinë dhe me asnjë vend tjetër.
'Megjithatë, e përsëris: Edhe po të kthehesha një qind herë pas, sërish do ta bëja marrëveshjen për migrantët me Italinë dhe me asnjë vend tjetër. E kam thënë gjithnjë që, sipas meje, është diçka e re që duhet të kalojë provën e realitetit. Pastaj, nëse për realitet merret një foto e publikuar nga një kantier orët e para të punës, shoqëruar me titullin “800 milionë të hedhura kot”, atëherë jetojmë në botë paralele dhe asgjë nuk mund të na afrojë me sfidën masive të migracionit të paligjshëm, në një Europë që duhet të bashkohet për të luftuar në të njëjtën kohë trafikimin kriminal të të varfërve dhe dimrin demografik që kërcënon gjithnjë e më shumë të ardhmen e saj, ndërkohë që politikanët u ngjasojnë priftërinjve të Kostandinopojës, të cilët ishin kaq të zënë me grindjet për seksin e engjëjve, saqë nuk po kuptonin që muret e qytetit ishin rënë tashmë nga të gjitha anët.'- përmbyll Rama reagimin.
Në Portin e Shëngjinit dhe në Gjadër vijon prej muajsh tashmë puna, ndërsa emigrantët e parë pritet të mbërrijnë në Shqipëri në fillim të nëntorit.
Komente
Lajme të tjera
-
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
E reja italiane goditet 30 herë me thikë nga ish-i dashuri në vendin e saj të punës
22 Dhjetor, 17:53 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Himarë, hipotekohen shtëpitë e trashëguara, Rama garanton: Do japim dhe AMTP-të! Parkim nëntokësor tek Fusha e Sportit, ndërhyjmë në Borsh
22 Dhjetor, 11:20
Italianet Jane shume llafazan. Tani flasin me Ty sa te kthejne shpinen ,te shpikin 100
Përgjigjujep doreheqjen o rama o hajdut,,se le nam,,je bere me keq se saliu....
PërgjigjuPo si qenka puna? Genjeve mikun ti apo genjen miku? Te kane ardh fjalet qe Meloni ka ndryshuar mendje dhe po kerkon te shpetosh fytyren tende. Ajo marreveshje vinte era, ishte thjesht nje loje politike e Melonit qe te peshkoi.
Përgjigjupo meloni fashiste eshte u dinte qe e ka me te futme
Përgjigju