Shkullaku- Bashës: Kur keni qenë në pushtet keni bërë lloj lloj budadallëqesh me mediat, shtrëngonit edhe ata që i donit

Lulzim Basha ka organizuar një tryezë me disa nga gazetarët në vend, të cilëve iu ka premtuar se ata do të jenë të lirë sapo Partia Demokratike të vijë në pushtet.

Ndërkohë gazetari Armand Shkullaku nuk ka lënë mangët as kritikat për opozitën, që dje në pushtet ka pasur sjellje jo të mira me median.

Shkullaku kërkoi nga opozita që para se të flasë, duhet ta bëjë duke kërkuar së pari ndjesë për atë ç’ka i ka bërë medias.

“Edhe ju në nëndërgjegjen tuaj s’do donit të ishin mediat, të mos dilnin gjërat në sipërfaqe, por kur e bën këtë gjë me ligj, kjo është shumë e rëndë.

Sot Rama ka filluar bën filma me 2 fëmijë, film real, merr dhe Rakip Sulin atje për rol dytësor.

Edhe ju kur keni qenë në pushtet, kishit media që i shtrëngonit, media që i donit, keni bërë lloj lloj budallalliqe, madje keni ngritur dhe komisione hetimore.

Do të ishte mirë që ky takim të niste me një meaculpa për atë që ka bërë PD kur ishte në pushtet”, u shpreh Shkullaku, që u pasua dhe nga një ndjesë nga ana e Bashës për atë çfarë ka bërë Partia Demokratike me pengimin e fjalës së lirë duke garantuar se nuk do të ndodhë më pasi të vijë në pushtet. 

Lajmi kryesor:

'Ligjet' miratojnë paketën Anti-Shpifje me disa ndryshime! 'Media' ul gjobën ndaj portaleve (VIDEO)

/r.k./Shqiptarja.com

TAG:
• armand shkullaku