Ky rrjet rajonal i organizatave joqeveritare mbështet punën me të rinjtë në përballjen me të kaluarën, e cila përbën një kusht të domosdoshëm për pajtimin në rajon, si dhe për bashkëpunimin rajonal dhe përpjekjet e Këshillit Rinor për Arsim në këtë fushë, transmeton Agjencia e Lajmeve serbe “FoNet”. “Është koha që edhe institucionet e shtetit të pranojnë këtë fakt dhe t’u ofrojnë përkrahje organizatës së apostrofuar dhe grupeve të ngjashme të të rinjve që kanë marrë përsipër një detyrë, e cila përbën interesin më të madh për publikun”, thuhet në deklaratë.
YIHR në Serbi shpreh besimin se prokuroria dhe policia me prioritet duhet të punojnë në zbulimin dhe ndjekjen penale të personave, të cilët u kanë dërguar kërcënime pjesëmarrësve të programit të organizatës joqeveritare “Këshilli Rinor për Arsim”.
OJQ “Këshilli Rinor për Arsim” i kishte dërguar ftesë zëvendëskryeministrit Thaçi për pjesëmarrje në konferencën “Ambasadorët e rinj për pajtim”, por më vonë, për shkak të fletëarrestit të Sllobodan Millosheviçit ndaj Thaçit dhe kërcënimeve e ka tërhequr ftesën. / ATSH/
Redaksia Online
(o.b/ Shqiptarja.com)
![](https://www.shqiptarja.com/template/img/sh_logo1.png)