Me pankarta në duar përfaqësues të shoqërisë Civile protestuan para SPAK, duke I kërkuar që të vihet në lëvizje për hetimet e çështjeve të ndryshme.

 “Ku është floriri i Kërrabës?”; “Pse u lejua vizita e kryeministrit të Greqisë në Himarë?”; “Përse nuk kërkon kryeministri i Shqipërisë të vizitojë Çamërinë?”; “Kush e pengon votën e diasporës?”; “Kush ja fali Detin Greqisë?”; “Pse e vranë Kosta Trebickën?”; “Kush e vrau Remzi Hoxhën”, kanë qenë disa prej pankartave të protestës.

Ata i kanë drejtuar SPAK-ut një letër të hapur publike ku kërkojnë që të burgosen ata drejtues të cilët vodhën dhe shpërdoruan pasuritë e Shqipërisë. Shoqëria Civile kërkon hetime të shpejta për ato krime të pandëshkuara që kanë bërë politikanët ndaj shqiptarëve.