POP 5

Lajmet më të lexuara të 5 minutave të fundit

Sport

Shorti EURO 2024, trajneri spanjoll i Apolonisë Rodriguez për Report Tv: Shqipëria mund të jetë surpriza e madhe e Europianit

Trajneri spanjoll i Apolonisë në Kategorinë e Parë thotë se Shqipëria mund të bëjë surprizën ndaj la Rohas në kampionatin Evropian. Për Report TV ai shprehet se dëshira e tij është që në finale të luajë Shqipëri-Spanjë.

Prej korrikut në qytetin e Fierit Yeray Rodriguez, një trajner që vjen nga Spanja, po drejton Apoloninë në Kategorinë e Parë. Ashtu si gjithë tifozët shqiptarë edhe 42-vjeçarit i ka bërë përshtypje shorti i Evropianit, ku kuqezinjtë janë në grupin e ferrit me Spanjën e tij, dhe me Italinë e Kroacinë.

“Së pari dua të uroj shqipërinë për kualifikimin në europian, sepse është vendi ku unë punoj. Në europian gjithçka mund të ndodhë dhe varet shumë se në çfarë forme do jenë skuadrat në qershor. Futbolli modern po tregon se kushdo mund të fitojë ndaj kujtdo. Spanja është favorite, por në 90 minuta gjithçka mund të ndodhë”, tha Yeray Rodriguez, trajner i Apolonisë.

Për Report TV trajneri spanjoll tregoi edhe favoritët e ‘Gjermani 2024’.

 “Dëshira ime është ta fitojë Spanja, por futbolli ka surpriza. Do uroja që finalja të ishte Shqipëri-Spanjë, por të shohim nëse do ndodhë. Ka disa skuadra favorite për ta fituar siç janë Franca dhe Anglia, ndërsa më pas vijnë Gjermani, Spanja dhe Italia”, shtoi ai.

Pas 6 muajve trajneri spanjoll ka krijuar një përshtypje të qartë për Shqipërinë, shqiptarët dhe futbollin në vendin tonë.

“Deri më tani te Apolonia dhe në Fier ka qenë një eksperiencë shumë e mirë. më kanë pritur shumë mirë. Futbolli këtu është duke u rritur, por me një organizim më të mirë edhe niveli do ishte tjetër. Duhet punuar pak edhe në infraskturë”, tha më tej.

Apolonia në Kategorinë e Parë renditet e pesta pas 16 javësh kampionat.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça