GUATEMALA - Një nga vullkanet më aktivë në Amerikën Qendrore, Fuego, përsëri hedh gurë dhe re të dendura të pluhurit, të cilat u bënë shkak për mbylljen e aeroportit në Guatemala City, raporton Anadolu Agency (AA).

Ai është një vullkan i vendosur në provincën kufitare Escuintla, Sacatepequez dhe Chimaltenango, në një lartësi prej 3763 metra, dhe vetëm 40 kilometra në jug-perëndim nga kryeqyteti Guatemala City.

Një zëdhënës i Mbrojtjes Civile të Guatemala, David de Leon argumenton se të gjitha shërbimet kompetente ndodhen në terren dhe ende nuk ka urdhëruar evakuime në fshatrat përreth, megjithatë, paralajmëroi që të jetë vigjilent dhe të përgatitur tenda, maska, ujë, ushqim, etj, në rast të ndonjë evakuimi të detyruar.

Nga ana tjetër njoftohet se është mbyllur dhe Aeroporti Ndërkombëtar në Guatemala City.

Fuego është një nga vullkanet më aktivë në Amerikën Qendrore, dhe Shpërthim i fundit i madh i cili ndodhi para tre viteve, u bë shkak për evakuimin e mijëra njerëzve nga fshatrat përreth./Anadolu Agency/

Redaksia online
(f.m/shqiptarja.com)