Shpëtim Saraçi falenderon zotin që e
mbajti në jetë, rikthehet në "The Voice"

Kompozitori i mirënjohur Shpëtim Saraçi duket se i ka hedhur pas problemet shëndetësore dhe ka vendosur t’i rikthehet punës. Me anë të një statusi në rrjetin social “facebook”, kompozitori njofton miqtë e tij për rikthimin në punë me stafin e “The Voice Of Albania”.

Shpëtim Saraçi nuk kursen as vlerësimet për këtë television duke e konsideruar si më modernin shqiptar për mundësitë dhe shancet që i ka dhënë artistëve të rinj. Por veç rikthimit në punë, kompozitori Saraçi nuk ka kursyer edhe falenderimet drejtuar zotit për mbajtjen në jetë pas një sëmundjeje të rëndë që kaloi pak kohë më parë.

“Falenderimet më të mëdha për të madhin zot që më mbajti në jetë dhe për ju që më mbështetët në ditët më të vështira…Ju detyrohem gjithë jettën”, ka shkruar në “facebook” kompozitori Shpëtim Saraçi.



Shkrimi u botua në numrin e sotëm të gazetës "Shqiptarja.com", versioni print

Redaksia Online
(xh.k/shqiptarja.com)