Shpallet qytetar nderi në Kukës/ Pacolli: Politikanët në Kosovë dhe Shqipëri të mbajnë premtimet për qytetin!

Në Kukës sot përkujtohet 19 vjetori i fillimit të eksodit të shqiptarëve të Kosovës drejt Shqipërisë.

Gjatë luftës së Kosovës rreth një milionë shqiptarë u detyruan nga forcat paramilitare serbe të shpërnguleshin në Shqipëri.

Mijëra shqiptarë kaluan kufirin edhe me Malin e Zi, ndërsa qindra mijëra ishin zhvendosur nga shtëpitë e tyre për të gjetur strehim në malet e Kosovës.

Kukësi ishte qyteti i parë që priti shqiptarët e Kosovës dhe sot si çdo vit kjo ditë kujtohet me aktivitete e ceremonisë “Eksod 99”.

Në 19 vjetorin e “Eksod 99” Bashkia Kukës dhe Këshilli i Qarkut Kukës shpallën Bexhet Pacollin, ministër i punëve të jashtëm të Kosoves, qytetar nderi i Kukësit dhe nder i qarkut te Kukësit.


Behxhet pacolli duke marre cmimin qytetar nderi nga kreu i Bashkise Kukes

Pacolli u shpreh se Kukësi është kryeqyteti i mikpritjes dhe bujarisë mbarëshqiptare.

“Politikanët e dy shteteve kanë një obligim të madh që fjalët e tyre të mëdha për Kukësin t’i mbajmë dhe t’i realizojmë. Është përgjegjësi e madhe, Kukësin të mos ta ndajë politika dhe të dy shtetet, Kosova dhe Shqipëria duhet ta kenë kauzë të përbashkët, zhvillimin dhe prosperitein e Kukësit”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Nedim Bajrami objektivi i klubit surprizë të Serie A, drejtori e ndjek në stadium

Nedim Bajrami objektivi i klubit surprizë të Serie A, drejtori e ndjek në stadium