Kryeministri Edi Rama ka zyrtarizuar vendimin e qeverisë për të dhënë shpërblimin e fundvitit për pensionistët në vlerën e 5 mijë lekëve, dhe paralajmëroi aktin e katërt normativ për buxhetin.
“Ne po bëhemi gati për aktin normativ dhe pavarësisht gjithë këtyre pengesave të befasishme me të cilat na ka ndeshur tërmeti dhe pandemia ne do të vendosim 34 mln dollar për pensionistët për vitin e ri” tha kryeministri.
Deri në muajin qershor të këtij viti në sistemin e sigurimeve shoqërore rezultonin të regjistruar 657,904 pensionistë nga të cilët 539,289 janë pensione urbane dhe 118,615 pensione rurale. Ndërkohë shpërndarja e bonusit do të nis pasi të bëhet publik vendimi i qeverisë.
Në konferencën e përjavshme me fokus ekonominë të pranishëm ishin edhe ministrja e Financave Anila Denaj dhe ministri i Rindërtimit Arben Ahmetaj, të cilët e bazuan fjalën e tyre tek mbështetja e sektorëve ekonomik me buxhet në 2021.
“Buxheti është pasqyra e ndjeshmërisë së një qeverie ndaj qytetarëve dhe sipërmarrjes”, tha Ahmetaj.
Ministrja Denaj i ka kthyer përgjigje argumenteve të presidentit Ilir Meta i cili ktheu për rishqyrtim buxhetin 2021. Sipas saj buxheti parashikon rritje pagash dhe ulje papunësie.
“Ky është buxheti më i lartë në shëndetësi në 10 vitet e fundit, dhe dua ti jap një përgjigje këtu edhe presidentit për disa nga argumentet në kthimin e buxhetit 2021, ku rritja minimale e parashikuar, sipas argumenteve në shkresën e presidentit zeron si rritja e pagave të mjekëve, infermierëve dhe laborantëve dhe është një mbështetje në këto ditë të vështira. Këtu dua ti rikujtoj presidentit që në vëmendje të këtij buxheti është ulja e papunësisë. 800 milionë lekë do të jepen në 2021 për skemën e papunësisë”, u shpreh Denaj.
Ndërsa ministri Ahmetaj ka ironizuar akuzat e opozitës dhe të presidentit për mungesë mbështetje për biznesin.
“A mundet që në një sistem oligarkik të ketë 3-fishim të numrit të bizneseve të vogla, sesa në një sistem të vërtetë oligarkik të para 8 viteve? Në 2020 janë 103 mijë biznese të vogla. Bizneset e vogla në 8 vite kanë paguar 130 milionë dollar më pak se çfarë do të paguante në sistemin oligarkik të para 2013 dhe në vitin 2021 jemi duke folur për zero taksa”, tha ai.
Teksa në konferencë u theksua edhe një herë dyfishimi i ndihmës ekonomike deri në përfundim të pandemisë, Denaj foli edhe për mirëqenien e qytetarëve.
“Të ardhurat mesatare për frymë në vit janë rritur, duke filluar nga 1030 dollar në vitet 2006-2013, në 4700 në vitet 2014-2020, për të synuar të ardhurën për frymë 5687 dollar në 2021”, tha ministrja.
Sa i takon borxhit publik ministrja pohoi se ai është mirëmenaxhuar dhe për çdo 100 lekë borxh do investohet në vitet e ardhshme 245 lekë.
“Mesatarisht për çdo 100 lekë që është shtuar stok i borxhit në periudhën 2006-2013 janë investuar 117 lekë, për periudhën 2014-2020 janë investuar 169 lekë dhe në vijim ky raport do të shkojë 245 lekë”, tha ajo.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi (VIDEO)
26 Dhjetor, 07:36 -
FOTOT/ Tirana shkëlqen për festat e fundvitit
25 Dhjetor, 21:16 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
Po kto te kempeve a nuk kajn te drejt te marrin shperblim
PërgjigjuSa mire te kishte zgjedhje cdo vit
PërgjigjuLajm i mire,jo vetem per shtresen e pensionisteve,,por per cdo njeri me mend dhe zemer.
PërgjigjuEdi Rama je burr i rall i shqipris ti i duhesh Shqipris je burr i rall. Të gjith ata që të kan inat të të han topin.
PërgjigjuEshte CUB se rr*** per legenat qe Kan mbushur politiken nga 30 vjet.
Çfarë është rall?