DURRËS- Të rinjtë e famshëm të TikTok që shpërndanin kokainë në lokalet e natës në Durrës dhe Sukth janë lënë të gjithë në burg. Ata dolën sot para Gjykatës së Durrësit për t’u njohur me masën e sigurisë dhe për shtatë prej tyre gjykatësi vendosi masën ‘arrest me burg’, ndërkohë për 24-vjeçaren Kristel Balla gjykata ka vendosur masën ‘detyrim paraqitjeje’. Të rinjtë, pjesë e dy grupeve kriminale, ranë në pranga pas një operacioni të zhvilluar nga Policia e Durrësit. Në burg janë lënë, Gentian Muça, Tani Muça, Amonali Halili, Alban Vela, Ergi Curri, Gentian Konesha dhe Stivens Bulku.
Dëshmitë e tyre në gjyq kanë qenë kontradiktore dhe në mospërputhje me provat që ka në duar organi i akuzës. Edhe pse të rinjë e TikTok nuk kanë pranuar se kanë shitur kokainë, në fakt të infiltruarit e policisë bënë blerje të simuluar tek anëtarët e këtyre dy grupeve kriminale.
Nga ana tjetër, nëna e 17-vjeçarit me iniciale A.V, për Report Tv e pranon se i biri ishte shpërndarës, por dyshon se të birin e kanë implikuar më të rriturit e grupit.
"Unë i thoja të mos merrej, por ia mbushnin mendjen ata të mëdhenjtë, e merrnin ato kokat e mëdha. E kanë përdor si leckë. Nuk e di çfarë bënte çuni, shpërndante", tha ajo për Report Tv.
Të gjithë të rinjtë ishin mjaft aktivë në rrjetet sociale dhe ata promovonin jetën luksi e makina luksoze në TikTok e Instagram. Njëri prej tyre, Stivi Bulku ka marrë pjesë në serialin ‘Aventurierët’ dhe numëron gati 50 mijë ndjekës në Instagram. Ndërsa Kristel Balla ka rreth 5 mijë ndjekës në Tik Tok dhe 17 mijë ndjekës në Instagram.
Të gjithë dyshohet se furnizoheshin tek Gentian Muça, 48 vjeç, i dënuar më parë për trafik dhe që përdorte tre emra të tjerë për të humbur gjurmët, Gentjan Lici, Gentjan Muça, Gentjan Ferra. Drogën që merrnin nga Muça ata e shpërndanin në lokalet e natës. Gjatë dy operacioneve policore u sekuestruan 1 pako kokainë, me peshë 130 gramë, 40 doza kokainë, 3 automjete, 2 prej tyre luksoze dhe 96 mijë lekë e disa shuma në euro, franga dhe paund
Arrest me burg për
-Gentian Muça, 48 vjeç
-Tani Muça, 43 vjeç
-Amonali Halili, 24 vjeç
-A.V, 17 vjeç
-Ergi Curri, 25 vjeç
-Gentian Konesha, 23 vjeç
-Stivens Bulku, 24 vjeç
Detyrim paraqitje
-Kristel Balla, 24 vjeç
Nëna e 17-vjeçarit A.V.,, i cili u arrestua nga Policia e Durrësit për shpërndarjen e kokainës bashkë me të rinjtë e famshëm të TikTok, ka folur jashtë kamerave për Report Tv. Ajo i tha gazetarit, Aldo Mustafa se i kishte thënë disa herë djalit të saj që të mos merrej me shpërndarjen e drogës, por pjesa tjetër e grupit ia kishte mbushur mendjen. Ajo thotë se 17-vjeçari kishte rolin e shpërndarësit, ndërsa droga sigurohej nga ‘kokat’ e mëdha.
“Unë i thoja të mos merrej, por ia mbushnin mendjen ata të mëdhenjtë, e merrnin ato kokat e mëdha. E kanë përdor si leckë. Nuk e di çfarë bënte çuni, shpërndante. Burrin e kam pa këmbë, vet në punë, djalin tjetër e kam të vogël, gocën të martuar, çunin tjetër e kam në Spanjë. Veç po u mor çuni në Spanjë me këtë. Atë ditë më morën në telefon dhe më thanë hajde se e kanë kap çunin. Unë i thashë që e kam lënë në shtëpi, jo më thanë hajde se e kanë kapur. Kisha disa herë që e mbyllja të mos dilte më, sepse përfundonte duke u përdorur nga këta", tha nëna e 17-vjeçarit për Report Tv,
Komente
Lajme të tjera
-
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Të shtëna me armë 'Shotgun' në Durrës, s'ka të lënduar! Shkak sherri mes dy personave të dehur në lokal, Policia shoqëron autorin (VIDEO)
25 Dhjetor, 18:28 -
Pushimet e shqiptarëve për festat e fundvitit, agjentja turistike për Report Tv: Vjena e Budapesti të preferuara! Egjipti më i vizituari këtë vit
25 Dhjetor, 15:50 -
Kremtohet Krishtlindja në Durrës, besimtarët e krishterë luten për paqe dhe mirësi
25 Dhjetor, 10:27 -
Durrës/ Kamioni përplas për vdekje 40-vjeçarin me biçikletë në rrugë, shoferi arratiset nga vendngjarja! Bllokohet mjeti, identifikohet viktima (VIDEO+FOTO)
24 Dhjetor, 17:32 -
Miratohet buxheti i bashkisë së Durrësit për 2025/ Anëtari i PD-së del nga rreshti, ja çfarë parashikon
24 Dhjetor, 16:34
-
Porti i Durrësit, rinis udhëtimi i trageteve
24 Dhjetor, 13:08 -
Moti i keq në Durrës, ishte ankoruar në portin e peshkimit, fundoset peshkarexha ‘Gimi dhe Geri’
23 Dhjetor, 14:40 -
Moti i keq/ Pezullohet lundrimi i trageteve Durrës-Bari e anasjelltas, në Vlorë trageti mbetet në radë! Rruga e Arbrit e pakalueshme
23 Dhjetor, 13:45 -
VIDEOLAJM/ Dy tragete përplasen në kalatën e portit të Durrësit, shkak moti i keq! S'ka të plagosur
23 Dhjetor, 13:01 -
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
Mush burgjte ma zi ne kohe te PPSH.
Përgjigju