POP 5

Lajmet më të lexuara të 5 minutave të fundit

Kronikë

Shpërthen mina në kufirin
Mal i Zi-Shqipëri, 5 të plagosu

Pesë shqiptarë të Malit të Zi kanë mbetur të plagosur pasditen e sotme ndërsa përpiqeshin të kalonin kufirin për të hyrë në Shqipëri, në fshatin e quajtur Çerem, në kufirin mes dy vendeve. Një minë që duket se ka mbetur aty që nga konflikti i vitit 1999 mes Serbisë dhe Kosovës ka shpërthyer, ndërsa 5 shtetasit me pasaportë të Malit të Zi po udhëtonin drejt Tropojës ku do të takonin disa të afërm të tyre.
TROPOJE - Pesë shqiptarë të Malit të Zi kanë mbetur të plagosur pasditen e sotme ndërsa përpiqeshin të kalonin kufirin për të hyrë në Shqipëri, në fshatin e quajtur Çerem, në kufirin mes dy vendeve. Një minë që duket se ka mbetur aty që nga konflikti i vitit 1999 mes Serbisë dhe Kosovës ka shpërthyer, ndërsa 5 shtetasit me pasaportë të Malit të Zi po udhëtonin drejt Tropojës ku do të takonin disa të afërm të tyre.

Si pasojë e shpërthimit të minës, që ka ndodhur rreth orës 15:00, dy prej pasagjerëve janë plagosur rëndë. Policia e dy vendeve ka bërë të mundur transportimin e të lënduarve në spitalin e Bajram Currit, që ishte ai më i afërti me vendin e ngjarjes. Për dy të plagosurit në gjendje të rëndë është thirrur një helikopter nga Tirana dhe ata janë dërguar në Spitalin Ushtarak në kryeqytet.

Zona e kufirit mes Shqipërisë, Malit të Zi dhe Kosovës ishte deklaruar si pastruar nga minat në vitin 2006. Që atëherë, ky është rasti i parë që ndodh një incident i tillë. Ndërkohë, nga lufta e vitit 1999 e deri në vitin 2006, në këtë zonë kufitare janë regjistruar 230 të plagosur për shkak të minave dhe 35 viktima, kryesisht fëmijë që po luanin.

(im/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31