Një person ka humbur jetën dhe pesë janë lënduar nga shpërthimi i një bombe në ndërtesën e Gjykatës Themelore në Podgoricë, konfirmon policia. Mladen Bullatoviq (39 vjeç), i cili vdiq pasi aktivizoi një granatë dore në hyrje të Gjykatës Themelore në Podgoricë, nuk kishte një gjykim të caktuar para asaj gjykate dhe as nuk ishte ftuar të vinte në atë institucion gjyqësor, njoftoi Gjykata Themelore në Podgoricë.
Gjykata, po ashtu, ka deklaruar se në qershor të vitit të kaluar, Bullatoviq ishte dënuar me punë në komunitet për veprën penale mospagesë të alimentacionit.
Sërgjan Koraq nga Policia Kriminale u tha gazetarëve se 39-vjeçari nga Podgorica vdiq pasi aktivizoi mjetin shpërthyes.
“Ka shumë të ngjarë që ai të ketë aktivizuar mjetin shpërthyes me fuqi të madhe shkatërruese kur ka hyrë në ndërtesën e Gjykatës Themelore”, tha Koraq.
Policia më vonë deklaroi se ka shumë të ngjarë që mjeti shpërthyes të ishte një granatë dore.
Koraq ka konfirmuar se kanë mbetur të lënduar pesë persona dhe se ata janë dërguar në Qendrën Klinike. Drejtoresha e Qendrës Klinike të Malit të Zi, Lilana Raduloviq, ka bërë të ditur se pesë të lënduarit janë në gjendje stabile shëndetësore.
"Procedurat diagnostike janë duke u zhvilluar për të konstatuar lëndimet. Më e rëndësishmja është që të gjitha të kenë parametra vitalë stabil", tha Raduloviq.
Ajo bëri të ditur se gjithsej shtatë persona kërkuan ndihmë mjekësore pas shpërthimit në gjykatë.
Policia ka konfirmuar se shpërthimi ka ndodhur në orën 11:35 dhe se hetimet janë duke vazhduar.
Të lënduar janë avokati Branimir Vukçeviq, dy punonjës të gjykatës dhe tre qytetarë, ka bërë të ditur kryetari i Odës së Avokatëve, Zdravko Begoviq.
Kryetarja e Gjykatës Themelore, Zhelka Jovoviq, tha se për nivelin e sigurisë së gjykatës kanë bërë paralajmërime me vite të tëra.
"Ne kemi folur për këtë për tre vjet. Ne po theksojmë se siguria është ashtu siç është. Fatmirësisht kështu përfundoi, mund të ishte shumë më keq", tha ajo
Partia Demokratike e Socialistëve, e kryesuar nga Milo Gjukanoviq, u bëri thirrje autoriteteve që të informojnë sa më shpejt opinionin për detajet e ngjarjes tragjike.
Nga kjo parti njoftuan se “do të kërkojnë përgjegjësi personale të atyre që kanë mundur ta parandalonin tragjedinë, por nuk e bënë”./REL
Lajme të tjera
-
Tiranë/ Eksploziv banesës në katin e 9-të të një pallati, frekuentohej nga Bernard Sinomati, vëllai i 'Buzëderrit' të Vlorës! Policia gjeti sende personale dhe dokumente
22 Dhjetor, 12:33
-
Opozita në Malin e Zi si ajo në Shqipëri, deputetët hedhin tymuese në komision pas debatit për anëtarët e Gjykatës Kushtetuese
18 Dhjetor, 12:48 -
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
Shpërthim në një rafineri nafte në Itali! 2 të vdekur, 9 të plagosur, 3 të zhdukur! Sindikatat paralajmërojnë grevë (VIDEO)
9 Dhjetor, 12:13 -
Vlorë/ Eksploziv lokalit në pronësi të familjes së Bledar Birçajt, i vrarë në 2021! 'The boss' sapo ishte rihapur, dëme materiale! Autori me maskë shpërtheu tritolin me fitil
8 Dhjetor, 07:15
-
Shpërthim i fuqishëm në një bllok banesash në Hagë, raportohet për 20 viktima! Vijojnë kërkimet në rrënoja (VIDEO)
7 Dhjetor, 12:30 -
Kosovë/ Shpërthim i fuqishëm në Zubin Potok
29 Nëntor, 20:56 -
Monumenti i Gjergj Kastriotit vendoset edhe në Tuz të Malit të Zi
28 Nëntor, 21:55 -
Itali/ Shpërthen fabrika e fishekzjarreve në Napoli, humbin jetën në ditën e parë të punës 2 motra dhe një 18-vjeçar shqiptar
19 Nëntor, 08:35 -
Kamëz/ Shpërthim në godinën e përshtatur si studio muzikore, shkaktohen vetëm dëme materiale
17 Nëntor, 10:58 -
Abazoviç: Roli i Shqipërisë, i rëndësishëm për stabilitetin në rajon
16 Nëntor, 15:48 -
Vlorë e Tropojë/ Dy banesa objektiv i shpërthimeve me lëndë plasëse! Vetëm dëme materiale
15 Nëntor, 07:48
