Opozita ka reaguar lidhur me situatën e krijuar në veri të Kosovës ku ka pasur të shtëna me armë ndaj policisë nga një grup serbësh pas tensioneve të krijuara me arrestimin e ish policit serb, Djean Patiç. Kreu i grupit parlamentar të PD-së, Enkelejd Alibeaj dhe ish kryeministri Sali Berisha nëpërmjet reagimeve në rrjetet e tyre sociale kanë kërkuar që qeveria serbe të ndalte skenarët e destabilizimit të vendit.
Kreu i grupit parlamentar të PD-së, Alibeaj shkruan se duhet të ketë një bashkërendim mes aktorëve qeverisës në Kosovë dhe partnerëve ndërkombëtarë për të bërë të mundur mbajtjen nën kontroll të situatës.
“Partia Demokratike po ndjek me shqetësim të lartë situatën në Veri të Mitrovicës. Lajmet se goditje me armë ndaj forcave policore të Kosovës, ngritja e barrikadave, kundërshtimi i autoriteteve ligjzbatuese të Kosovës nga elementë të armatosur të organizuar të strukturave paralele serbe, duket se është një skenar i qartë që synon krijimin e një vatre të rrezikshme tensioni. Gjithashtu refuzimi i komunikimit dhe zgjidhjes së situatës me institucionet e ligjshme të Kosovës nga pala serbe duket se synon jo mbrojten e drejtave të popullatës serbe, por një ndarje defacto me bazë etnike të Veriut të Mitrovicës”-shkruan Alibeaj.
Ndërsa, kreu i Rithemelimit, u është përgjgijur kërcënimeve të Vuçiç për vendosjen e ushtrisë serbe në veri të Kosovës. Në reagimin e bërë, Berisha shkruan se Vuçiç duhej të hetohej nga Gjykata Ndërkombëtare për gjenocid në Kosovës dhe për nxitjen e luftës.
“I bëj thirrje komunitetit ndërkombëtar të vendos atë sa me shpejt para Gjykatës dhe ligjit ndërkombëtar për genocid dhe krime lufte si kusht themelor që të vendoset paqe e qëndrueshme në rajonin tone”- shprehet Berisha.
Mes të tjerash, ai nuk la pa akuzuar kryeministrin, Edi Rama për të cilin tha se së bashku me Putin mbështesnin Aleksandër Vuçiçin për vendosjen e trupave ushtarake në Kosovë.
"Këto ditë Aleksander Vuçiç, vendi i të cilit është në Gjykatën e Hagës si Geobels i Millosheviçit dhe frymëzues dirket i genocidit serb në Bosnje dhe Kosovë, deklarohet për futjen e 1000 ushtarëve serb në Kosovë. De facto ai deklarohet për fillimin e një konflikti të ri në Kosovë. Në këto deklerata luftënxitëse ai mbeshtet jo vetem nga padroni i tij në Kremlin, por edhe nga vasali i tij në Tiranë, Edi Rama i cili është një armik i vërtetë i kombit shqiptar dhe mbrojtes i shpifur i qëndrimit të padronit të tij ndaj Rusisë”- shkruan ish kryeministri.
Në orët e vona të mbrëmjes së të enjtes, në veri të Kosovës një grup personash të maskuar sulmuan efektivin e policisë së Kosovës, Ekrem Nezirin i cili po trajtohet në spital për plagët e marra. Ndërkohë të gjithë krerët e shtetit bënë thirrje për zbardhje të incidentit të ndodhur dhe vënien para drejtësisë të personave përgjegjës.
Ngjarja e ndodhur, detyroi policinë e Kosovës të shtonte numrin e forcave të sigurisë në veri ndërsa presidenti serb, Aleksandër Vuçiç, paralajmëroi gjithashtu se Serbia do t'i kërkonte KFOR-it një rikthim të trupave ushtarake në Kosovë.
Lajmi në përditësim...
Deputeti i PD Agron Gjekmarkaj ka reaguar për tensionet në Veri të Kosovës. Ai ka kërkuar reagimin e Edi Ramës.
“Retorika luftënxitëse e autoriteteve serbe është e papranueshme. Kosova e pavarur dhe integriteti i saj territorial janë realitete të pakthyeshme. Dialogu dhe jo gjuha e forcës kontribuojnë në paqen dhe stabilitetin e Rajonit tonë. Duke dënuar me forcë sulmet e strukturave paramilitare serbe në veri të Kosovës dhe provokimet e vjetruara të autoriteteve më të larta serbe, apeloj për maturi nga ana e autoriteteve shtetërore të Republikës së Kosovës dhe vendimmarrje nën koordinimin e ngushtë me partnerët tanë strategjik ShBA&BE. Në cilësinë e nënkryetarit të Kuvendit të Republikës së Shqipërisë nxis institucionet shqiptare të jenë në krah të autoriteteve kosovare. Heshtja e institucioneve të Republikës së Shqipërisë ndaj gjuhës luftënxitëse të Presidentit të Serbisë është e pakuptimtë. Shqipëria ka qenë, është dhe do të jetë gjithmonë krah Kosovës dhe institucioneve të saj”, shprehet ai.
Ish kryeministri, Sali Berisha ka reaguar për situatën e tensionuar në veri të Kosovës, ku së fundmi presidenti serb, Aleksandër Vuçiç ka kërcënuar se do të kërkojë vendosjen e ushtrisë serbe.
Nëpërmjet një reagimi në facebook, Berisha shkruan se e gjithë veprimtaria kriminale e Vuçiçit, mbështetej nga Putin dhe nga kryeministri Edi Rama.
"Presidenti i Serbomadhisë, Putini i vogël, po i bie këto kohë brirëve të konfliktit të ri në rajon. Paramilitar, forca speciale e tij dhe banda kriminale me mercenarët e Ëagner po bëjnë gjithçka të destabilizojnë veriun e Republikës së Kosovës. Çdo natë vendosin eksplozive, shkrepin breshëri kundër forcave të Policisë së Kosovës që sigurojnë rendin, jetën dhe veprimtarinë normale të banorvë të zonave të Veriut të Kosovës. Këta kriminelë kanë plagosur me armë zjarri anëtarë në detyrë të forvave policore të Kosovës, bllokojnë rrugë dhe djegin makina. E gjithë kjo veprimtari subversive, kriminale e Beogradit ndaj Kosovës udhëhiqet direkt nga serbomadhi Aleksander Vuçiç apo Putini i vogël i cili ka shndërruar Serbinë, sot me shumë se kurrë, në Rusi të vogël në prapavijë shumë të rrezikshme të Rusisë në mbështetje të agresionit të saj barbar ndaj Ukrainës dhe ambicieve të Putinit në Ballkan. Këto ditë Aleksander Vuçiç, vendi i të cilit është në Gjykatën e Hagës si Geobels i Millosheviçit dhe frymëzues dirket i genocidit serb në Bosnje dhe Kosovë, deklarohet për futjen e 1000 ushtarëve serb në Kosovë. De facto ai deklarohet për fillimin e një konflikti të ri në Kosovë. Në këto deklerata luftënxitëse ai mbeshtet jo vetem nga padroni i tij në Kremlin, por edhe nga vasali i tij në Tiranë, Edi Rama i cili është një armik i vërtetë i kombit shqiptar dhe mbrojtes i shpifur i qëndrimit të padronit të tij ndaj Rusisë”-shprehet Berisha.
Mes të tjerash, kreu i Rithemelimit ka kërkuar reagimin e komunitetit ndërkombëtar duke e vendosur Vuçiçin para Gjykatës Ndërkombëtare për genocide dhe krime lufte.
“Duke mbeshtetur në emër te Partisë Demokratike, fuqimisht, autoritet e Kosovës, sovranitetin dhe integritetin e saj territorial, dënoj me ashpërsinë më të madhe përpjekjet e presidentit të serbomadhisë Vuçiç për të ndezur flakët e nje konflikti të ri në rajon. Gjithashtu i bëj thirrje komunitetit ndërkombëtar të vendos atë sa me shpejt para Gjykatës dhe ligjit ndërkombëtar për genocid dhe krime lufte si kusht themelor që të vendoset paqe e qëndrueshme në rajonin tone”-përfundon Berisha.
Komente
Lajme të tjera
-
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
O sali wc po ti je spiun i sërbit çfar na llomotit mor flliqsir. Harove ti kur furnizoje sërbin me naft dhe me arm apo kto krimet e tua s'quhen mor hajdut kriminel. Ti mendon se ky popull haron. Ti je njeriu më i uryer i Shqiptarve mor jashqitje e kombit.
Përgjigju