POP 5

Lajmet më të lexuara të 5 minutave të fundit

Shpërthimet me tritol, 24 raste në vetëm 6 muaj! 15 objekte të djegura qëllimisht! Shënjestër edhe efektivë të policisë, më i rëndi eliminimi i Aleksandër Sadikajt

24 herë në gjashtë muaj u trondit vendi nga shpërthimet e sasive të tritolit në disa qytete. Vlora mban numrin më të lartë, ndërsa Tirana rastet më të rënda. Në Shkodër epiqendër e sulmit ishin efektivët e policisë. Në gjashtë muaj u regjistruan edhe 15 djegie të qëllimshme makinash dhe objektesh. Pjesa më e madhe e ngjarjeve, të pazbardhura.

Aleksandër Sadikaj po lëvizte me automjetin e tij “Volkswagen Golf 7” në drejtim të TEG-ut, kur sasia e lëndës plasëse e instaluar në pjesën e përparme të makinës shpërtheu. Si pasojë e sulmit 27-vjeçari humbi jetën pak minuta pasi mbërriti në Spitalin e Traumës. Rasti ishte ndër më të rëndët të eksplozivëve të këtij gjysmë viti, por nga veriu në jug tritoli dhe djegia e makinave prishi qetësinë edhe në raste të tjera. Policët ishin kryefjala kryesore e tritol-vënies.

24 shpërthime me lëndë plasëse dhe 15 djegie të qëllimshme makinash e objektesh u regjistruan në gjashtë muajt e parë të vitit 2022 në mbarë vendin. E krahasuar me të njëjtën periudhë të një viti më parë, janë katër raste më shumë shpërthime tritoli. Vendin e parë e mbanë Vlora, qark në të cilin në harkun kohor të 181 ditëve u sulmuan me lëndë plasëse 6 objekte, pjesa më e madhe e tyre automjete dhe shtatë raste të zjarrvënies të qëllimshme me lëndë djegëse.

Shkodra, sulm policëve me eksploziv e djegie makinash

Në vend të dytë është Shkodra, në të cilën u regjistruan tetë raste nga katër për secilën, lëndë plasëse dhe djegie të qëllimshme. Në Kryeqendrën e Veriut epiqendër e sulmit këto gjashtë muaj kanë qenë zyrtarët e policisë, me katër raste djegiesh dhe hedhje në erë të makinave me tritol.

Gjatë pranverës së vitit 2022, Policia e Shkodrës ka kryer disa operacione në zona të thella malore për asgjësimin e kanabis sativa. Menjëherë pas tyre, disa efektivë policie të përfshirë direkt apo indirekt u përfshinë në sulme tritoli e djegie të makinave. Hetimet vijojnë ndërsa asnjë prej autorëve nuk është identifikuar për t’u vënë përballë drejtësisë. Sulmi ndaj bluve mendohet të jetë për mesazh, duke pretenduar që policia të mos afrohet pranë parcelave ku kultivohet kanabis.

I vetmi rast që mbeti në tentativë në Shkodër ishte ai i vendosjes së një kallëpi tritoli poshtë gomës së automjetit tip “Range Rover” të drejtoreshës së Fondit të Sigurimit të Detyrueshëm të Kujdesit Shëndetësor, Suida Kuka. Ajo arriti të identifikoj pakon e dyshimtë në kohë.

Tirana, nga eliminimi i Aleksandër Sadikaj tek djegia e makinave në Astir

Në Tiranë u regjistruan pesë raste të shpërthimeve nga lëndët plasës. Përveç atij të eliminimit fizik të Aleksandër Sadikajt, i cili konsiderohet ndër më perfektët nga ana e organizimit, fillimi i janarit nisi me hedhjen në erë të një makine në lëvizje në Selitë, me dy person të plagosur. Edhe kjo ngjarje ka mbetur e pazbardhur. Mikel Harizaj do të tentohej të eliminohej më herët, por fati i keq e zuri Erion Rexhepin, të riun që gjeti një sasi tritoli në Cërrik dhe i shpërtheu në duar, duke i marrë jetën. Vjehrri i Harizajt po lëvizte me makinën në Cërrik kur sasia e lëndës plasëse u shkëput më 31 dhjetor. Disa ditë më vonë Harizaj u tentua të vritej sërish, por shpëtoi.

Gjatë këtyre gjashtë muajve, rastet e tritolit ishin të shumtë edhe në Kamëz, ku u regjistruan tre të tillë. Në Tiranë kishte edhe dy djegie të qëllimshme, i fundit ai i automjeteve të biznesmenit dhe ndërtueist Dritan Llanaj, në garazhin e një pallati në Astir, i cili rrezikoi jetën e qindra banorëve. Në Durrës u regjistruan pesë raste të shpërthimeve me tritol, më i bujshmi në derën e parë të vilës së Armand Dukës.

Shpërthime tritoli në disa qytete, pjesa më e madhe të pazbardhur

Pjesa më e madhe e shpërthimeve me tritol kanë mbetur të pazbardhura, ndërsa autorët kryesisht nuk lënë gjurmë. Por nëse disa qarqe ishin në vëmendje të shpërthimeve të tritolit dhe sulmeve me lëndë djegëse, disa të tjerë në këto gjashtë muaj kanë qenë të qetë. Në Kukës, Korçë, Elbasan, Berat, Gjirokastër, Fier dhe Lezhë nuk u regjistrua asnjë shpërthim me lëndë plasëse.

M.Q./S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Brukseli: 03/07/2022 16:43

    Qeveria te ashpersoj ligjin. Denim me jete pa rishikim te denimit per vrasje te tilla. Dhe 20-30 vjet per vendosje tritoli pa viktima.

    Përgjigju
  • Albi: 03/07/2022 13:57

    Edhe demokraci edhe siguri ska. Iku koha e PPSH

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Ikën Abigeila Voshtina, kompozitori Aulon Naçi emërohet Drejtor i Teatrit Kombëtar të Operas

Ikën Abigeila Voshtina, kompozitori Aulon Naçi emërohet Drejtor i Teatrit Kombëtar të Operas

18 Dhjetor, 09:53