POP 5

Lajmet më të lexuara të 5 minutave të fundit

Kronikë

Shpërthimi në magazinën e Bujar Çelës, GJKKO liron nga qelia sipërmarrësin Gjini: Arrestimi i paligjshëm! Lihet në fuqi pezullimi i 5 punonjësve

Në GJKKO janë rivlerësuar masat e marrë për dosjen e shpërthimit në kapanonin e deputetit Bujar Çela, pasi më parë prokuroria dhe gjykata e Fierit kishin shpallur mokompetencë. GJKKO ka liruar nga qelia sipërmarrësin Leonard Gjini, ndërsa ka konfirmuar pezullimin për 4 punonjësit të IMT Lushnjë dhe një inspektori të bashkisë. SPAK ende nuk ka një akuzë të formuluar për deputetin.

TIRANË- Leonard Gjini, biznesmeni i ngarkuar për të ndërtuar kapanonin e deputetit të PS, Bujar Çela në Lushnjë, ku pas një shpërthimi më 1 mars u vranë 2 persona dhe u plagosën 7 të tjerë, është liruar nga burgu.

Gjykata Kundër Korrupsionit dhe Krimit të Organizuar e ka cilësuar të paligjshëm arrestimin e tij dhe ka urdhëruar lirimin e menjëhershëm të sipërmarrësit 32-vjeçar të firmës “Gjini Construksion” që më 27 nëntor kishte lidhur  kontratë me deputetin Çela për ndërtimin e magazinës me vlerë prej rreth 18 milionë lekësh dhe akuzohet se nuk ka respektuar rregullat e mbrojtjes në punë, por që në fakt vetë Gjini në dëshmi thoshte se në kapanon ende nuk kishte shkuar asnjë punonjës të tij.

Pasi Gjykata dhe Prokuroria e Fierit shpallën moskompetencë për shkak të akuzës së ngritur ndaj deputetit Çela, GJKKO rivlerësoi masat këtë të hënë (18 mars), ndërsa përveç lirimit të Gjinit konfirmoi pezullimin nga detyra të kryeinspektorit dhe 4 inspektorëve të IMT Lushnjë si dhe një inspektori të rajonit nr 5 Bashkia Lushnjë.

SPAK ende nuk ka një akuzë të ngritur zyrtarisht ndaj deputetit socialist Çela, për të cilin Report Tv mëson se ka një javë që ka lënë spitalin ku u shtrua pas plagosjes në shpërthimin e 1 marsit. Deputeti Çela është pa masë sigurie, ndërsa organit të akuzës do t’i duhet leja e Kuvendit nëse do të kërkojë arrestin për të. 

Prokuroria e Fierit ngriti pretendimet për elementë të veprës penale për 3 akuza ndaj ligjvënësit socialist si ndërtim pa leje, shkelje e rregullave në punë dhe shkatërrim i pronës nga pakujdesia.  Nga hetimet e deritanishme shpërthimi erdhi nga një avari gjatë procesit të punës që kryenin viktimat babë e bir Roland dhe Elidon Hoxhës, për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me acetilenin.

Lirohet nga burgu
1-Leonard Gjini, ndërtues
Të pezulluar nga detyra
1-Robert Kola kryeinspektori i IMT Lushnjë
2- Miklovan Petro jurist i IMT Lushnjë
3- Eugert Sina inspektor i IMT Lushnjë
4- Kudret Sula inspektor i IMT Lushnjë
5- Ilmi Uku inspektor i rajonit nr 5 Bashkia Lushnjë

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51