Dosja e shpërthimit të 1 marsit 2024 në kapanonin e deputetit socialist Bujar Çela në Lushnjë, ku humbën jetën babë e bir dhe u plagosën 7 të tjerë, do të kalojë në dorën e SPAK. Ngritja e 3 akuzave ndaj deputetit Çela e ka kaluar çështjen në dorën Prokurorisë së Posaçme në Tiranë, e cila tashmë do ta hetojë ligjvënësin për ndërtim pa leje, shkelje e rregullave në punë dhe shkatërrim i pronës nga pakujdesia.
Moskompetencën e shpalli edhe Gjykata e Fierit, e cila la më herët këtë të enjte në masën arrest me burg sipërmarrësin e punimeve në kapanonin në ndërtim, Leonard Gjini. Sipërmarrës 32-vjeçar i firmës “Gjini Construksion”, më 27 nëntor të vitit 2023 ka lidhur kontratë me deputetin Çela për ndërtimin e magazinës me një vlerë prej rreth 18 milionë lekë, tek vendi i njohur si 'Rrethrrotullimi i Plastmasit' ndërsa akuzohet se nuk ka respektuar rregullat e mbrojtjes në punë që solli edhe viktimat.
Përveç deputetit dhe ndërtuesit, prokuroria e Fierit ka ngritur akuza për thuajse të gjithë Inspektoratin Ndërtimin në Lushnjë, teksa ka marrë miratimin nga gjykata për masat e pezullimit nga detyra dhe mos lejimin e daljes jashtë vendit për kryeinspektorin Robert Kola dhe vartësit e tij Miklovan Petro, Eugert Sina, Kudret Sula. Gjithashtu gjykata miratoi edhe pezullimin e Ilmi Uku, inspektor i rajonit nr 5 Bashkia Lushnjë. Të gjitha vendimet e mësipërme janë ekzekutuar menjëherë nga autoritetet.
Bashkia e Lushnjës e kuptoi vetëm 1 ditë pas shpërthimit, se deputeti Bujar Çela ishte duke ndërtuar një kapanon gjigand në tokën e tij në zonën industriale, në shkelje të lejes së dhënë më 19 shtator 2023. Siç zyrtarët e institucioneve vendore në Lushnje deklaruan, sistemi online i lejeve në bashki nuk punonte, dhe duke mos pasur njoftim, askush nuk doli në terren për të parë nëse po zbatoheshin rregullat e mbrojtjes në punë.
Sipas hetimeve të deritanishme shpërthimi në kapanonin në ndërtim e sipër u krye nga një avari gjatë procesit të punës që kryenin Roland dhe Elidon Hoxhës, babë e bir, për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me acetilenin.
1-Robert Kola kryeinspektori i IMT Lushnjë
2- Miklovan Petro jurist i IMT Lushnjë
3- Eugert Sina inspektor i IMT Lushnjë
4- Kudret Sula inspektor i IMT Lushnjë
5- Ilmi Uku inspektor i rajonit nr 5 Bashkia Lushnjë
Prokuroria e Fierit ka shpallur moskompetencën për dosjen e hetimit mbi shpërthimin e ndodhur në kapanonin e deputetit Bujar Çela në Lushnjë, ngjarje për të cilën sot u la në burg biznesmeni Leonard Gjini i cili kishte firmosur kontratë me ligjvënësin për ndërtimin e kapanonit.
Për pasojë, dosja do të hetohet nga SPAK.
Gjykata e Fierit la në burg sipërmarrësin Leonard Gjini, i cili ishte i autorizuar për kryerjen e ndërtimit të kapanonit ku ndodhi shpërthimi me pasojë vdekjen e babë e bir dhe plagosjen e 7 të tjerëve më 1 mars në Lushnjë. Sipërmarrësi 32-vjeçar i firmës “Gjini Construksion”, më 27 nëntor 2023 lidhi kontratë me deputetin Beujar Çela për ndërtimin e magazinës me një vlerë prej rreth 18 milionë lekë.
Njëkohësisht, Gjykata e Fierit shpalli moskompetencë për çështjen duke ia kaluar aktet Gjykatës së Posaçme.
Avokati i tij, Arben Zaimi, kërkoi vlerësimin e paligjshëm të ndalimit dhe vendosjen e masës së sigurimit garanci pasurore, por kjo nuk u pranua nga gjykata.
Leonard Gjini, i pyetur më herët nga policia, tha se nuk e kishte nisur punën në kapanonin e deputetit pasi ka pritur momentin që të ishte gati lirimi i objektit, por sipas policisë ai ka lejuar punimet pa respektuar rregulloret e sigurimit teknik duke sjellë dhe pasoja të rënda.
“Nuk e kam idenë se çfarë punimesh ishin duke u kryer në objekt, nuk kam dërguar asnjë punonjës apo të kem bërë asnjë nënkontraktë për të kryer punimë në këtë objekt”, thuhet në dëshminë e tij.
Bashkia e Lushnjës e kuptoi vetëm 1 ditë pas shpërthimit, se deputeti Bujar Çela ishte duke ndërtuar një kapanon gjigand në tokën e tij në zonën industriale, në shkelje të lejes së dhënë më 19 shtator 2023.
Siç zyrtarët e institucioneve vendore në Lushnje deklaruan, sistemi online i lejeve në bashki nuk punonte, dhe duke mos pasur njoftim, askush nuk doli në terren për të parë nëse po zbatoheshin rregullat e mbrojtjes në punë. E vetmja “trokitje” në magazinë u bë një ditë pas shpërthimit të 1 marsit, aty ku u konstatua se ndërtimi në fakt e kishte tejkaluar lejen, ndaj prokuroria e Fierit ka nisur një hetim për ndërtim të paligjshëm, akuzë që mund të penalizojë deputetin duke qenë se objekti është në pronësi të tij. E nëse ndodh, hetimi nga Fieri, pritet t’i kalojë SPAK-ut që heton rastet e zyrtarëve të lartë.
Të nesërmen e ngjarjes, më 2 mars Inspektorati i Mbrojtjes së Territorit në Lushnje, lëshoi edhe një procesverbal për prishjen e objektit të kundraligjshëm. Sipas hetimeve të deritanishme shpërthimi u krye nga një avari gjatë procesit të punës që kryenin Roland dhe Elidon Hoxhës, babë e bir, për prerjen dhe çmontimin e disa profileve të hekurit duke përdorur flakën me nxehtësi të lartë që prodhohet nga djegia dhe përzierja e oksigjenit me acetilenin.
Lajme të tjera
-
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
