“Shpresoj Shqipërisë t’ia kthej besimin me rezultate,”- ky është synimi që ka bërë Edy Reja-n të marrë drejtimin e kombëtares shqiptare. Trajneri 73-vjeçar në një intervistë për mediat italiane rrëëfen zgjedhjen e tij për të drejtuar kuqezinjtë si dhe disa çështje të tjera duke përfshirë edhe atë të Elseid Hysajt.
Në intervistën për “corriera della sport” Reja e nis duke folur për aventurën e tij të re në Tiranë: “Të trajnoj ekipe më bën të ndihem më i mirë, është mirë për shëndetin dhe më jep kënaqësi. Propozimi i papritur i Shqipërisë ishte vlerësim për ato pak gjëra që kam bërë. Shpresoj t’ia kthej besimin që më dhanë me rezultate.”
Reja më pas foli për situatën në ekipin e Napolit, si një ish-trajner i kësaj skuadre që e mori skuadrën nga Seria C dhe e ngjiti në Serinë A. Përkundër të gjithë kritikave që kanë shpërthyer së fundmi, Reja ka një këndvështrim pozitiv për skuadrën e kaltër, duke deklaruar se ajo që kanë bërë në vitet e fundit është e jashtëzakonshme, pasi Juventusi është vështirë për t’u konkuruar.
Më tej trajneri italian u pyet edhe për Hysajn, për të cilin deklaroi: “I zoti, shumë i mirë. Djalë serioz, i sigurt, inteligjent në aspektin taktik dhe të jep ata balanca që të shërbejnë në mbrojtje dhe që janë vendimtare.”
Pergatiti Ernest Koçi