Greqia vijon të mbajë në fuqi ligjin e luftës me Shqipërinë që nga nëntori i ftohtë të vitit 1940. Kreu i Partisë Drejtësi, Integrim dhe Unitet (PDIU) Shpëtim Idrizi në një intervistë në “Studio Live” në Report TV thotë se është tentuar 23 herë që të hiqet ligji por sipas tij nuk ka vullnet nga pala greke.
“Askush s’kishte menduar se 80 vjet pasi ka mbaru nga pikëpamja praktike lufta, Greqia e mban ende këtë ligj. Nuk ka pasur abrogim. Ka mungesë vullneti dhe dëshire nga pala greke për të hequr ligjin e luftës. Nuk shoh dhe konsistencë nga pala shqiptare. Nuk besoj se ka çështje tjetër më të rëndësishme sesa një ligj të tillë. Ka 23 herë që është tentuar në Greqi që ta heqin ligjin e luftës. Unë kam sfiduar duke thënë se Greqia nuk e heq ligjin e luftës”.
Në një intervistë me gazetarin Arbër Hitaj, Idrizi shprehet se ligji i luftës nuk është abroguar asnjë here, ndërsa paralajmëroi se së shpejti do të ndërmarrë një fushatë për ta dëshmuar këtë me dokumenta.
“Së shpejti PDIU do ndërmarrë një fushatë me dokumenta të palës greke të padala ndonjëherë. Ligji i luftës me Shqipërinë nuk është abroguar ndonjëherë por qëndron në fuqi të plotë. Greqia e ka zgjidhur këtë gjë me Italinë, një pjesë të ligjit”.
Por cili është qëllimi pse mbahet ligji i luftës në fuqi? Sipas kreut të PDIU kjo lidhet edhe me çështjen pronave.
“Gjëja e parë që të preokupon në këtë rast ka të bëjë shumë më tepër se me çështjen e pronave. Është e patolerueshme e papranueshme që ky ligj qëndron në këmbë midis dy fqinjëve midis dy anëtarëve.”
Shqetësuese për kreun e PDIU është edhe fakti që Greqia nuk distancohet nga vorio-epiri.
“Nuk besoj se ka çështje më të rëndësishme që të akselerojë një ligj të tillë të rrezikshëm. Nuk e heq Greqia pa presionin tonë dhe të ndërkombëtarëve. Ne duhet ta prezantojmë këtë çështje sepse është një shoqëri e ndërtuar mbi basafonet e megalloidesë e mbarsur me idenë e vorio-epirit. Asnjë nga politika greke nuk distancohet nga çështja e vorio-epirit. Çdo diskutim me Greqinë, ligji i luftës duhet të jetë i pari”
Gjatë intervistës u ndal edhe te marrëveshja e Detit në 2009, të cilën e cilësoi të turpshme.
“Në 2009-2010 kur ne aspironim të bëheshim anëtar i NATo-s Greqia jo vetëm që vendosi veton po i kërkoi Shqipërisë të bënte marrëveshjen e ujërave. Një ambasador thoshte se Greqia për marrëveshjen i ka kërkuar Shqipërisë të mos informojë NATO, SHBA, BE. Kjo më shtyn të besoj se i ka bërë presion”.
Kryetari i Partisë Drejtësi, Integrim dhe Unitet (PDIU), Shpëtim Idrizi e mirëpret mbledhjen e komisionit të reformës zgjedhore, por e konsideron të vonuar. Në “Studio Live” në Report Tv tha se PDIU mbështet propozimet e PD.
“Jo që po humbim shumë kohë e me gjet se kush është bashkëkryetar. Ne jemi shumë të vonuar me komisionin e Reformës Zgjedhore, ka dy vjet që është ngritur e nuk funksionon. Në komision kemi detyrim të madh që të mbartim për zgjedhjet e ardhshme dy vendimet e Gjykatës Kushtetuese: Një për listat e hapura që ka të bëjë me herësin, e dyta për votimin e emigrantëve. Kemi dy palë raporte të OSBE-ODIHR.
PDIU do mbështesë, reforma zgjedhore janë diskutimet dhe dakordësitë, por reforma votohet në parlament. PDIU do që të mbartet vendimin i Gjykatës Kushtetuese për lista të hapura dhe heqjen e herësit për votimin e emigrantëve dhe për një zonë zgjedhore. Shqipëria s’ka pse të mbajë modelin spanjoll me 12 qarqe. Produkti jonë duhet të jetë produkt i konsensusit, jo vetëm mes dy partive”.
Kryetar i PDIU Shpëtim Idrizi në “Studio Live” në Report Tv ka përgëzuar marrëveshjen Shqipëri-Itali për njohjen e pensioneve. Në një intervistë me gazetarin Arbër Hitaj, Idrizi tha se shpreson që një marrëveshje e ngjashme të arrihet dhe me Greqinë.
“Dua të shpreh vlerësimin për marrëveshjen ndërmjet Italisë dhe Shqipërisë për pensionet. Marrëveshje e jashtëzakonshme e arritur pas shumë mundesh. Është për tu përshëndetur kjo arritje që është bërë falë një vendi mik si Italia. Gjithmonë kam theksuar rëndësinë që kanë për shqiptarët marrëveshjet me Italinë dhe Greqinë. Uroj që së shpejti kjo marrëveshje të bëhet dhe me Greqinë për tu mundësuar shqiptarëve që jetojnë atje dhe që kanë kontribuar në sistemin e sigurimeve shoqërore.”
Komente
Lajme të tjera
-
Parlamenti/ Tensione të tjera në sallë, Dogjani kërkon fjalën para Idrizit dhe bllokon foltoren, ndërhyn dhe Garda! Pritet votimi i buxhetit (VIDEO)
19 Nëntor, 20:03 -
Zgjedhjet 2025/ Presidenti Begaj nis konsultimet me partitë për datën! Nesër pret PR, PBDNJ, PDIU e LZHK! Më 25 nëntor PS dhe PD
19 Nëntor, 16:34 -
'Çamëria' nuk u lejua të luaj nga shërbimi grek/ Trajneri i ekipit: U hoqëm nga Champions League se do reagonin grupet ekstremiste! Na thanë ndërroni emrin dhe logon
18 Tetor, 19:37 -
Vlora e mbytur në llum pas përmbytjes, deputeti i PDIU i kërkon llogari Agjencisë së Mjedisit: A keni bërë inspektime, në kanalet e pastrimit nuk del as miu se i gërvishtet shpina
15 Tetor, 17:12
-
Eduard Zaloshnja: Vlora, qarku ku PDIU-ja mund të përcaktojë mandatin e 9-të të PS-së
4 Tetor, 15:41
-
PDIU i jep legjitimitet seancës plenare, dy deputetët opozitarë i shpëtojnë ‘rrethimit’ të Kuvendit
3 Tetor, 15:53 -
Kuvendi miraton pr/ligji për studentët e Mjekësisë, 3 vite punë të detyruar ose paguaj studimet! Shteti duhet ta punësojë brenda 3 muajsh ose t'i japë 80% të pagës për 9 muaj
19 Shtator, 17:32
-
Kuvendi miraton deklaratën: Greqia të heqë ligjin e luftës me Shqipërinë! Idrizi: Mban gjendjen e luftës dhe sekuestron për pronat e shqiptarëve
18 Korrik, 11:47 -
Të hiqet ligji i luftës me Greqinë! Ja përmbajtja e Pr/deklaratës së PDIU-së që do të votohet javën tjetër në Kuvend
10 Korrik, 14:46 -
PDIU pr/dokument në Kuvend për abrogimin e ligjit të luftës më Greqinë
4 Korrik, 13:17 -
Tiranë/ Zhvillohet meshë përshpirtjeje në kujtim të viktimave të gjenocidit grek ndaj çamëve
30 Qershor, 17:58 -
“Çështja “Çame” nuk është folklor”, Abaz Hado kritika ndaj Shpëtim Idrizit: Interesat e vogla gjithmonë të bëjnë të vogël
29 Qershor, 14:05
Greqia shtet nazist e fetar e bajn ligjin priftat.
PërgjigjuZiti i malakia re si Georgio
Ziti i Eladha