Të besuarit e De Biasit u gjendën në disavantazh që në minutën e dytë të takimit, kur pas një goditje të lirë, Fadlalla çoi topin në rrjetë duke mposhtur gardianin kuq e zi, Etrit Berisha.
Kundërpërgjigja e kuqezinjve erdhi në minutën e 23-të kur mbrojtësi Arlind Ajeti barazoi shifrat. Pesë minuta nga fundi i pjesës së parë, Lenjani do të lëvizte bukur në zonë dhe me të majtën do të përmbyste rezultatin në 2:1.
Goli i tretë për kombëtaren shqiptare erdhi në minutën e 64, kur Armando Sadiku do të shënonte një gol spektakolar nga distanca.
Ndeshja e ardhshme testuese e kuqezinjve do të jetë ajo ndaj Ukrainës me 3 qershor, ndeshje e cila do të luhet në Itali.
(Foto gjatë ndeshjes dhe tifozët shqiptar në Katar)
Redaksia Online
Shqiptarja.com