POP 5

Lajmet më të lexuara të 5 minutave të fundit

Kronikë

Editorial

Shqipëria homazhe për Charlie Hebdo
Rama: Larg kurthit të përçarjes fetare

Delegacioni shqiptar ishte i përbërë jo vetëm nga zyrtarë të lartë si kryeministri Edi Rama, ministrat Veliaj dhe i Jashtëm Bushati, por edhe nga 4 përfaqësues të komuniteteve fetare të vendit, duke përçuar një simbolikë të fortë të harmonisë fetare që Shqipëria e mbart si një vlerë të rëndësishme. VIDEO
FRANCE - Një delegacion i zgjeruar nga Shqipëria është bërë pjesë e marshimit të Unitetit në Paris, në nder të viktimave që humbën jetën nga sulmi terrorist ndaj redaksisë të revistës satirike “Charlie Hebdo”. Delegacioni shqiptar ishte i përbërë jo vetëm nga zyrtarë të lartë si kryeministri Edi Rama, ministrat Veliaj dhe i Jashtëm Bushati, por edhe nga 4 përfaqësues të komuniteteve fetare të vendit, duke përçuar një simbolikë të fortë të harmonisë fetare që Shqipëria e mbart si një vlerë të rëndësishme.
 
Fillimisht delegacioni pjesë e të cilit ishin dhe shumë gazetarë mes të cilëve edhe drejtori i përgjithshëm i “Free and Fair Media Group”, gazetari Carlo Bollino, zhvilloi homazhe para redaksisë së revistës satirike “Charlie Hebdo”, objektivi kryesor i sulmit të rëndë terroriste, duke vendosur kurora me lule në nder të viktimave.

Pas momenteve prekëse ne vendin ku vetëm pak ditë më parë, u krye një nga masakrat më të rënda ndaj vlerave evropiane, kryeministri Edi Rama, e konsideroi sulmin ndaj Francës si një sulm ndaj gjithë Evropës. Por për kreun e qeverisë shqiptare, Evropa nuk duhet të bjerë në kurthin e përçarjes që po synojnë pikërisht terroristët. Por Rama u ndal te prania e 4 përfaqësuesve të komunitetit fetar shqiptar, si një mesazh i qartë për të mbajtur lart flamurin e vëllazërisë e harmonisë fetare.

delegacioni shqiptar ne france

Rama zgjodhi të japë edhe shembullin e jetës së profetit Muhamed, për të treguar se si paqja triumfon ndaj së keqes dhe përcarjes. 

Më pas kryeministri Edi Rama mori pjesë edhe në pritjen në pallatin presidencial Elysee, të organizuar nga presidenti francez Francois Hollande, me krerët politikë të gjithë vendeve që morën pjesë.
/Shqiptarja.com
  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

Macron e telefonoi gjatë një konference shtypi, presidenti ukrainas e lë në pritje: Të marr për 15 minuta (VIDEO)

Macron e telefonoi gjatë një konference shtypi, presidenti ukrainas e lë në pritje: Të marr për 15 minuta (VIDEO)

20 Mars, 12:03