Shqipëria dhe Greqia marrëveshje për luftën kundër krimit ndërkufitar dhe atij të organizuar, krijohet qendra e kontaktit në Kakavijë (VIDEO)

Shqipëria dhe Greqia kanë nënshkruar një marrëveshje për krijimin dhe funksionimin e një qendre të përbashkët të bashkëpunimit policor dhe doganor greko-shqiptar në piken kufitar në Kakavijë.

Marrëveshja u nënshkruar Zëvendësministri i Brendshëm i Shqipërisë Julian Hodaj, i cili ka nën menaxhim çështjet e kufirit dhe Zëvendësministri i Mbrojtjes Civile në Greqi, Eleftherios Oikonomou.

Per zëvendësministrin e brendshem shqiptar Julijan Hodaj, kjo qender do të ketë mundësinë për të parë situatën nga afër në kufirin Greko-Shqiptar dhe për t'u informuar në lidhje me problemet që lidhen me pandeminë si dhe situaten aktuale.

“Marrëveshja kontribuon nga njëra anë në konfirmimin e marrëdhënieve të mira midis dy vendeve dhe nga ana tjetër në forcimin e bashkëpunimit tonë tashmë ekzistues, duke synuar së bashku gjetjen e mënyrave për të përballuar dhe luftuar sfidat moderne dhe kërcënimet e sigurisë të vendeve tona", tha Oikonomou.

Qendra e Kontaktit është vendosur në një ndërtesë në tokën greke, në zonën e pikës së kalimit kufitar në Kakavijë dhe do të administrohet nga policia dhe personeli doganor i të dy vendeve, të cilët do të punojnë në një hapësirë ​​të vetme.

Qëllimi kryesor i Qendrës është shkëmbimi i informacionit ndërmjet autoriteteve kompetente të zbatimit të ligjit, në nivel rajonal dhe përmirësimi praktik i bashkëpunimit kufitar në kontrollin e krimit të organizuar ndërkufitar dhe emigracionit të paligjshëm.

Shkëmbimi i informacionit, përmes Qendrës, ka të bëjë kryesisht me emigracionin e paligjshëm, trafikimin e qenieve njerëzore, ekstremizmin e dhunshëm, falsifikimin e dokumenteve, trafikimin e paligjshëm ë drogës, armëve të zjarrit dhe municioneve, si dhe shkeljet e Kodin Doganor.

Rendit zhvillimet sipas orarit:
Ora 21:01
Marrëveshja Shqipëri-Greqi/ Yuri Kim: Gëzohem kur miqtë tanë punojnë së bashku për të zgjidhur problemet

Ambasadorja e SHBA në Tiranë, Yuri Kim përshëndeti sot marrëveshjen e arritur mes Shqipërisë dhe Greqisë për sa i përket forcimit të bashkëpunimit kufitar.

Përmes një postimi në rrjetet sociale, Yuri Kim shkruan se gëzohet kur miqtë punojnë së bashku për të zgjidhur problemet e përbashkëta.

“Marrëveshja e sotme mes Shqipërisë dhe Greqisë është një hap pozitiv. Kontrolli më i mirë i kufirit forcon sigurinë e të dy vendeve dhe rajonit. Gëzohem të shohim miqtë tanë duke punuar së bashku për të zgjidhur problemet e përbashkëta,” shkruan Kim në Twitter.

J.GJ./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Latif: 19/01/2021 07:07

    Kjo eshte vonuar qe nga 2016

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg

Pjesë e një ekipi, Felipe Melo s'kursehet për Dani Alves e Robinho: Duhet të jenë në burg