Bëhet fjalë për penalltinë e pjesës së dytë,e cila erdhi pas një gjesti anti-sportiv të portierit Berisha. Loja ishte duke vazhduar kur arbitri kryesor i ndeshjes, një turk i natyralizuar në gjerman, Deniz Aytekin u sinjalizua nga asistenti i tij për atë çfarë kishte ndodhur në zonën tonë dhe pa u menduar dy herë i tregoi kartonin e kuq portierit shqiptar dhe akordoi penallti për ekipin mik.
Ky episod është konsideruar edhe nga mediat e huaja si tepër i dyshimtë dhe një veprim i pazakontë i arbitrit turk.
Por izraelitët nuk mundën të shënon pasi penalltia u prit nga portieri i dytë i kombëtares, Alban Hoxha. Pas këtij vendimi, arbitri e la Shqipërinë me 9 lojtarë në fushë.
Shqipëri-Izrael u mbyll në shifrat 0-3 duke shuar thuajse përfundimisht ëndrrat e kuqezinjëve për një kualifikim të mundshëm në “Rusi 2018", ndërsa në pikëpyetje është edhe vendi i tretë, objektivi i radhës i kuqezinjve në këto kualifikuese.