Kryetarja e AMA-s, Armela Krasniqi priti Presidentin e Këshillit Kombëtar të Radios dhe Televizionit Polak (KRRIT), Maciej Swirski. Gjatë takimit Kryetarja Krasniqi shprehu vlerësimin për mundësitë e reja të bashkëpunimit që hapen sot mes dy rregullatorëve të dy vendeve.
“Kjo është e rëndësishme, sepse mendoj se vetëm kështu, ne mund të jemi të suksesshëm në punën tonë: duke ndarë idetë dhe planet tona për të përballuar sfidat e kohës, me të cilat po përballen aktualisht autoritetet që ne drejtojmë”, ka thënë Krasniqi.
Krasniqi ka bërë një prezantim të punës së AMA dhe objektivat, siç janë miratimi i ndryshimeve ligjore dhe harmonizimi me Direktivën e BE-së si dhe ndryshimet e mëtejshme që parashikojnë përfshirjen e konceptit të Matjes së Audiencës ne ligj; luftën kundër piraterisë së të drejtave të transmetimit dhe vijimësinë e bashkëpunimit me partnerët ndërkombëtarë që punojnë në fushën e medias, në favor të përmirësimit të cilësisë së gazetarisë në median audiovizive dhe jo vetëm.
“AMA do të vazhdojë forcimin dhe zhvillimin më tej të bashkëpunimeve, tashmë të konsoliduara, me partnerë të ndryshëm, që punojnë në fushën e mediave, për realizimin e objektivave të përbashkët në luftën kundër gjuhës së urrejtjes, dezinformimit etj”, shton Krasniqi.
Mes dy krerëve të autoriteteve rregullatorë u nënshkrua një Memorandum Bashkëpunimi i cili bazohet në katër shtylla të rëndësishme: matja e audiencës, edukimi mediatik, hulumtimi i opinionit publik dhe metodologjia e monitorimit të përmbajtjes audiovizive.
“Shpresojmë të forcojmë urat e bashkëpunimit, pse jo edhe të shkëmbejmë me njëri-tjetrin eksperiencat më të mira në fushën rregullatore të medias audiovizive", ka thënë Krasniqi.
“Kombi i madh i Shqipërisë meriton të vërtetën në media, po ashtu edhe Polonia. Kërcënimi më eminent dhe serioz për të vërtetën është propaganda dhe dezinformimi rus, dhe ne duhet të promovojmë Edukimin Mediatik”, është shprehur Swirski.
Memorandumi i Bashkëpunimit i hap rrugën kështu një bashkëpunimi të gjatë mes dy institucioneve, qoftë në përmirësimin e mëtejshëm të punës, edhe në shkëmbimin e eksperiencave mes tyre.
Lajme të tjera
-
Do ketë një tjetër Kuvend të përbashkët Shqipëri-Kosovë, takohen kryeparlamentarët Konjufca-Spiropali: S’ka ngrirje të marrëdhënieve, pavarësisht ndonjë mospajtimi të kryeministrave!
11 Shtator, 14:37 -
Analiza e Euroactiv për Integrimin: Shqipëria mund të hap ‘de facto’ negociatat që këtë vjeshtë, ndahet nga Maqedonia e Veriut
9 Shtator, 14:02 -
‘Më vjen turp nga këta qumështorë’, ish-trajneri i Ukrainës shpërthen pas humbjes me Shqipërinë: Ata shkëlqyen para nesh
8 Shtator, 21:38 -
Revista argjentinase 'La Nacion': 5 atraksionet turistike të paharrueshme në Shqipëri
8 Shtator, 08:55 -
AMA marrëveshje me ‘Tik-Tok’ për videot abuzuese, bllokohen 36 prej tyre
4 Shtator, 17:37
-
Ministrja e Jashtme e Finlandës vizitë dyditore në Ballkan, takime në Shqipëri, Kosovë dhe Serbi
3 Shtator, 14:35 -
‘Kosova nuk është rajon i Shqipërisë’, habit studiuesi: Ka identitet kosovar të vjetër, të ndryshëm nga ai shqiptar! Gazetari: Ne jemi një komb
2 Shtator, 19:47 -
Çfarë duhet ta trandi realisht Shqipërinë?!
31 Gusht, 21:32
-
Krasniqi publikon bilancin e AMA për TikTok: Në 5 ditë u bllokuan qindra video pirate dhe me përmbajtje të dëmshme
30 Gusht, 14:41 -
‘Shqiptarët janë xhelozë për Kosovën’, aktori i humorit sqaron deklaratën: Jam i indinjuar, pse një trajner serb në klubin elitar shqiptar
29 Gusht, 18:29 -
Polonia raporton për shkelje të hapësirës së saj ajrore pas sulmeve të Rusisë ndaj Ukrainës
26 Gusht, 16:26 -
Shqipëri, vazhdon të jetë shqetësues emigrimi i të rinjve
22 Gusht, 19:21
