Shqipëria 13 vite në NATO, Ministri i Mbrojtjes: Trupat shqiptarë kanë shërbyer në çdo mision të NATO-s

Ministri i Mbrojtjes, Niko Peleshi ka kujtuar 13-vjetorin e anëtarësimit të Shqipërisë në NATO. Me një postim bë Facebook, Peleshi shkruan se që prej  1 prillit të vitit 2009, trupat shqiptarë kanë shërbyer pothuajse në çdo mision të NATO-s. 

"Pavarësisht periudhave të caktuara, vokacioni i popullit shqiptar ka qenë ndër shekuj perëndimor. 13 vjet më parë ky vokacion u materializua me anëtarësimin e Shqipërisë në aleancën më të madhe politiko-ushtarake që ka njohur bota. Që prej asaj dite, por edhe më herët, trupat shqiptarë kanë shërbyer pothuajse në çdo mision të NATO-s. Kontributi jonë, si një aleat i denjë i Aleancës do të shtohet çdo ditë e më tepër me qëndrimet dhe veprimet tona pro paqes dhe lirisë në botë. Gëzuar 13 vjetorin e Shqipërisë në NATO!", shkruan Peleshi.

LEXO EDHE:
Mosrealizimi i votës së emigrantëve, PD kallëzon në SPAK Nikollën: Shpërdoroi detyrën, pengoi zbatimin e vendimit të Kushtetueses

Lajmi kryesor:

Shqipëria 13 vite në NATO! Nikolla: Anëtarë të denjë të Aleancës në operacionet për ruajtjen e paqes! Ministri i Mbrojtjes: Kontributi ynë do shtohet

TAG:
• anetaresimi ne nato
• Lindita Nikolla
• nato
• niko peleshi