“Në emër të Shteteve të Bashkuara, i dërgoj urimet më të mira Shqipërisë dhe Kroacisë për 15-vjetorin e anëtarësimit tuaj në NATO”. Kështu është shprehur dje Sekretari amerikan i Shtetit, Antony Blinken në mesazhin e tij për 15 vjetorin e anëtarësimit të vendeve në Aleancë. Në mesazh Blinken thotë se SHBA është krenare që qëndron me Shqipërinë aleate.
“Pesëmbëdhjetë vjet më parë, ne kremtuam angazhimin e demokracive tuaja jo vetëm për mbrojtjen e Aleancës sonë, por edhe për mbrojtjen e paqes dhe prosperitetit në të gjithë rajonin. Sot, ne nderojmë angazhimin tuaj të vazhdueshëm për të penguar dhe mbrojtur çdo pëllëmbë të territorit të NATO-s, siç mbrojmë edhe vlerat tona të përbashkëta demokratike. Në këtë përvjetor, ne mbetemi krenarë që jemi me ju si aleatë. Ndërsa Aleanca jonë vazhdon të rritet dhe të përshtatet për të adresuar sfidat në zhvillim të së ardhmes, NATO është më e fortë dhe më e bashkuar se kurrë”, thuhet më tej në mesazhin e Blinken.
Duke e falënderuar për urimin Kryeministri Edi Rama këtë 15 vjetor të anëtarësimit në Nato, e quan riafirmim të përkushtimit ndaj parimeve e vlerave që mbështesin Aleancën.
"“Faleminderit sekretar Blinken. Ky 15-vjetor i anëtarësimit të Shqipërisë në NATO nuk është vetëm një festë e arritjeve tona të së shkuarës, por edhe një riafirmim i përkushtimit tonë të palëkundur ndaj parimeve dhe vlerave që mbështesin Aleancën tonë", shkruan Rama.
Gjatë 15 viteve, Rama thotë se Shqipëria ka kontribuar në mbrojtjen kolektive dhe sigurinë e NATO-s, ndërsa thekson se për vendin tonë është nder të qëndrojmë përkrah aleatëve, siç janë Shtetet e Bashkuara.
"Gjatë 15 viteve të fundit, Shqipëria ka kontribuar me krenari në mbrojtjen kolektive dhe sigurinë e NATO-s dhe ne mbetemi të palëkundur në përkushtimin tonë për të mbështetur paqen dhe vlerat demokratike në të gjithë rajonin tonë dhe më gjerë. Ne jemi të nderuar të qëndrojmë krah për krah me aleatët tanë, në radhë të parë Shtetet e Bashkuara, ndërsa vazhdojmë të përshtatemi dhe forcojmë bashkëpunimin tonë përballë sfidave globale në zhvillim. Ne presim shumë vite të tjera bashkëpunimi të frytshëm brenda familjes së NATO-s. Faleminderit për aleancën, miqësinë dhe partneritetin Shqipëri - SHBA", thotë Rama.
Komente
Lajme të tjera
-
Blinken, Fidan diskutojnë për të ardhmen e Sirisë
28 Dhjetor, 20:51 -
“Jam i qetë dhe i vendosur”, Rama komenton në VOA punën e SPAK dhe rastin e Veliajt: Hetimi s’e bën fajtor! Gjyqet s’bëhen në media
28 Dhjetor, 18:20 -
Magjia e dimrit në malin e Gramozit, mbulohet nga 'velloja e bardhë' e dëborës (VIDEO)
28 Dhjetor, 17:29 -
Eduard Zaloshnja/ Sondazhi: 41.5 % e shqiptarëve mendim pozitiv për Ramën! Berisha vetëm 21. 4 %
28 Dhjetor, 13:34
-
Nga Nancy Van Horn te Gonzato kush ishin ambasadorët e ftuar në mbrëmjen e kryeministrit
28 Dhjetor, 11:10 -
Rrëfimi i kryeministrit Rama: Prej shumë kohësh s’e ndjek Festivalin e RTSH dhe nuk besoj se do e bëj ndonjëherë
28 Dhjetor, 09:10 -
Alibeaj në Report Tv: Berisha ka mbetur me mjeranë, bashkë me Ramën kundër SPAK! I hap ‘derën’ Bashës për koalicion
27 Dhjetor, 19:13 -
Incidenti në Detin Baltik, NATO do të rrisë praninë në rajon
27 Dhjetor, 16:06 -
Erion Veliaj 5 orë në SPAK, Berisha: Luftë brenda llojit, jo meritë e Altin Dumanit
27 Dhjetor, 14:52 -
Meta nuk ndal sulmet për Altin Dumanin as nga burgu: Mercenar i Ramës! Nuk burgosen dot kauzat e PL
27 Dhjetor, 14:45 -
Hasani: Negociatat me Greqinë duhet t'i trajtojmë me kujdes, duhet punë tavoline, jo mikrofoni! Ka nisur puna për organizimin e samitit të NATO-s në 2027
27 Dhjetor, 10:19 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14
