FIFA ka publikuar ditën e sotme renditjen e re të kombëtareve për muajin dhjetor ku Shqipëria ashtu si pjesa më e madhe e përfaqësueseve të tjera ka mbetur në vend numro. Arsyeja është se në harkun kohor të 30 ditëve nuk është zhvilluar asnjë ndeshje mes kombëtareve.
Kështu Shqipëria vijon të renditet e 66 në botë me 1356 pikë, ndërsa Kosova e 115 me 1174 pikë.Të pandryshuara kanë mbatur edhe vendet e para, me Belgjikën që ruan kreun dhe që gjthashtu është shpallur nga FIFA për të dytin vit radhazi si skuadra e vitit. ‘Djajtë’, që prej 1993 kur ka filluar të mbahet një renditje e përmujashme e FIFA-s, kanë zhvilluar 1082 ndeshje ndërkombëtare dhe 19 miqësore.
Kampionët e botës Franca dhe Brazili vijojnë të mbajnë respektivisht vendin e dytë dhe të tretë, ashtu si në dhjetor të 2018. Ndërkohë përbërja e pesë vendeve të para ka ndryshuar. Anglia është ngjitur në vendin e katër, ndërsa në vendit e pestë pozicionohet Uruguaji, që ka fituar dy pozicione.
Argjentina dhe Kolumbia janë dy skuadra që kanë mundur të futen në 10-shen e parë, në kurriz të Zvicrës dhe Danimarkës që kanë zbritur respektivisht në vendin e dymbëshjetë dhe të gjashtëmbëdhjetë.
Ndërkohë çmimi “Lëvizja e Vitit” që jepet për kombëtaren që ka fituar më shumë pozicione brenda vitit iu akordua Katarit, shtetit që do të presë Kupën e Botës 2022. Gjatë 2019 kjo kombëtare fitoi 138 pikë në total duke fituar 38 pozicione, e nedjekur nga Algjeria me 32 dhe Japonia me 22.