Shqipëria e femrave pëson 6 gola në Hungari, e mbyllim Ligën e Kombeve me vetëm një pikë! Vajzat e Grimës bien në Ligën C

Shqipëria e femrave pëson 6 gola në Hungari, e mbyllim Ligën e Kombeve me vetëm një pikë! Vajzat e Grimës bien në Ligën C

Kombëtarja e vajzave

Kombëtarja shqiptare e futbollit për femra është mundur 6-0 nga Hungaria në udhëtim. Vajzat e Armir Grimës nuk e kanë pasur forcën për të marrë pikë në transfertë, teksa e mbyllin këtë aventurë në Ligën B të Ligës së Kombeve në vendin e fundit me vetëm një barazim dhe pesë humbje.

Sfida në Hungari u dominua nga vajzat vendase, me portieren Hyska që e nxorri sferën gjashtë herë nga rrjeta. Në pjesën e parë vendaset shënuan me Csiszar (dopietë), Kajan dhe Turanyi, për të vijuar sërish me Csiszar dhe Zeller në dhjetë minutat e fundit të ndeshjes.

Vajzat kuqezi ishin nervoze në lojë, çka e tregon fakti i pesë kartonave të verdhë. Berisha, Maliqi, Gjergji, Hyska dhe Franja u ndëshkuan. Në grupin 1 të Ligës B, vendin e parë e mban Irlanda me 18 pikë që ngjitet në Ligën A, teksa Shqipëria si e fundit me vetëm një pikë zbret në Ligën C të Ligës së Kombeve, për të vijuar në mars me ndeshjet e radhës.

Hungaria dhe Irlanda e Veriut që ishin në grup me Shqipërinë qëndrojnë në Ligën B.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Punimet për linjën hekurudhore, sot në orën 22:00 bllokohet qarkullimi automjeteve në Rrashbull! Mjetet do duhet të përdorin aksin Tiranë-Durrës

Punimet për linjën hekurudhore, sot në orën 22:00 bllokohet qarkullimi automjeteve në Rrashbull! Mjetet do duhet të përdorin aksin Tiranë-Durrës