Shqipëria do të hapë në të ardhmen e afërt ambasadën e saj në Dublin. Lajmi u bë i ditur nga ministri për Evropën dhe Punët e Jashtme, Ferit Hoxha, pas takimit që zhvilloi në kryeqytetin irlandez me ministren e Punëve të Jashtme dhe Tregtisë së Irlandës, Helen McEntee.

Gjatë bisedimeve, të dy palët diskutuan për forcimin e partneritetit ekonomik, me fokus te tregtia, investimet, turizmi, shërbimet digjitale dhe inovacioni. Hoxha vuri në dukje edhe rolin e diasporës shqiptare në Irlandë, duke e cilësuar atë si një urë të rëndësishme lidhëse mes dy vendeve.

"Një takim shumë produktiv me Helen McEntee, Ministren e Punëve të Jashtme dhe Tregtisë, duke riafirmuar marrëdhëniet e shkëlqyera dypalëshe midis Shqipërisë dhe Irlandës. Zhvilluam një shkëmbim konstruktiv mendimesh mbi objektivin tonë të përbashkët për forcimin e mëtejshëm të dialogut politik dhe zgjerimin e bashkëpunimit praktik në një sërë sektorësh kryesorë. Ramë dakord mbi nevojën për të eksploruar mundësi konkrete për të forcuar partneritetin tonë ekonomik, me një fokus të veçantë në tregti, investime, turizëm, shërbime digjitale dhe inovacion. Pata kënaqësinë të theksoja kontributin e vlefshëm të diasporës shqiptare në Irlandë, e cila vazhdon të shërbejë si një urë e rëndësishme midis ekonomive dhe shoqërive tona.

Në këtë kontekst, e informova Ministren McEntee mbi vendimin e Qeverisë Shqiptare për të hapur një Ambasadë në Dublin në të ardhmen e afërt, një hap i rëndësishëm që do të thellojë më tej partneritetin tonë dypalësh dhe do të rrisë bashkëpunimin midis dy vendeve tona. Shpreha vlerësimin tonë të thellë për mbështetjen e palëkundur të Irlandës për zgjerimin e BE-së dhe për rrugën e anëtarësimit në BE të Shqipërisë, veçanërisht teksa mirëpresim Presidencën e ardhshme të Këshillit të BE nga Irlanda.

Gjithashtu ndava një përditësim mbi progresin e qëndrueshëm të Shqipërisë në procesin e anëtarësimit, duke nënvizuar angazhimin tonë të fortë për të ruajtur ritmin e reformave, teksa përparojmë drejt fazës tjetër të negociatave, mbylljes së kapitujve. Lidhur me zhvillimet rajonale dhe globale, ne riafirmuam angazhimin tonë të përbashkët për stabilitetin, sigurinë dhe prosperitetin e Evropës, duke përfshirë Ballkanin Perëndimor si një pjesë integrale e së ardhmes së saj" shkroi Hoxha 

Gjatë vizitës në Dublin, Hoxha zhvilloi edhe një takim me ministrin irlandez të Shtetit për Çështjet Europiane dhe Mbrojtjen, Thomas Byrne. Sipas ministrit shqiptar, bisedimet u përqendruan te progresi i Shqipërisë në procesin e integrimit europian, agjenda e reformave dhe perspektiva e negociatave me Bashkimin Europian.

*"Diskutimet tona u përqëndruan në veçanti në progresin dhe perspektivën e Shqipërisë në rrugën e saj drejt anëtarësimit në BE. Pata mundësinë të theksoja progresin e arritur përmes agjendës sonë të reformave dhe të riafirmoja angazhimin tonë të palëkundur për të ruajtur momentumin e fortë të procesit të negociatave, për të përfunduar me negociatat e anëtarësimit deri në vitin 2027 dhe për të arritur objektivin tonë strategjik të anëtarësimit në BE deri në vitin 2030", shkroi Hoxha.

 

Rendit zhvillimet sipas orarit:
Ora 17:48
Hoxha takon ministrin irlandez për Çështjet Europiane: Mbështetje për zgjerimin e BE-së dhe rrugën e Shqipërisë drejt anëtarësimit

Mbështetja e Irlandës për zgjerimin e Bashkimit Europian dhe ecuria e Shqipërisë në procesin e integrimit ishin në fokus të takimit që ministri për Europën dhe Punët e Jashtme, Ferit Hoxha, zhvilloi në Dublin me ministrin irlandez të Shtetit për Çështjet Europiane dhe Mbrojtjen, Thomas Byrne.

Përmes një postimi në rrjetin social X, Hoxha bëri të ditur se bisedimet u përqendruan te progresi i Shqipërisë në rrugën drejt anëtarësimit në BE dhe perspektiva e procesit të negociatave.

Ministri theksoi se Shqipëria ka bërë përparim përmes agjendës së reformave dhe mbetet e angazhuar për të ruajtur ritmin e negociatave me synimin për t’i përmbyllur ato deri në vitin 2027.

" Diskutimet tona u përqëndruan në veçanti në progresin dhe perspektivën e Shqipërisë në rrugën e saj drejt anëtarësimit në BE. Pata mundësinë të theksoja progresin e arritur përmes agjendës sonë të reformave dhe të riafirmoja angazhimin tonë të palëkundur për të ruajtur momentumin e fortë të procesit të negociatave, për të përfunduar me negociatat e anëtarësimit deri në vitin 2027 dhe për të arritur objektivin tonë strategjik të anëtarësimit në BE deri në vitin 2030. Gjithashtu diskutuam rëndësinë e ruajtjes së një procesi të besueshëm zgjerimi të bazuar në meritë, që shpërblen progresin dhe ofron përfitime të prekshme si për vendet kandidate ashtu edhe për vetë BE-në. Në mjedisin gjeopolitik të sotëm, zgjerimi nuk është vetëm një politikë transformuese, por edhe një investim strategjik në sigurinë, stabilitetin dhe qëndrueshmërinë e Evropës. Shpreha vlerësimin e thellë të Shqipërisë për mbështetjen e vazhdueshme të Irlandës për zgjerimin e BE-së dhe i urova çdo sukses Presidencës së ardhshme irlandeze të Këshillit të Bashkimit Evropian," shkruajti Hoxha në X

U.D/Shqiptarja.com