Instituti Shqiptar i Medias në bashkëpunim me AMA organizuan “Javën e Edukimit për Median dhe Informacionin”, duke iu bashkuar kështu Javës Globale të Edukimit për Median dhe Informacionin, një nismë e UNESCO për edukimin dhe ndërgjegjësimin e publikut, sidomos të rinjve, me problematikat dhe sfidat e sotme në këtë drejtim. Pjesëtare e kësaj iniciative ishte edhe Agjencia për Sigurimin e Cilësisë në Arsimin Parauniversitar.
Nën lajtmotivin “Mendo, pastaj kliko!”, që njëkohësisht është një thirrje për të gjithë publikun që të mendojë në mënyrë kritike teksa ndërvepron me mediat dhe përmbajtjet mediatike, u organizuan një seri aktivitetesh në Tiranë, Durrës, Kavajë, Elbasan, Pogradec dhe Lezhë.
Rreth 250 nxënës të shkollave “Naim Frashëri”, “Aleksandër Moisiu”, “Vasil Kamami”, “Ibrahim Rugova”, “Muharrem Çollaku”, “Qemal Stafa”, “Besëlidhja”, “Luan Hajdaraga” dhe “Sinan Tafaj” patën mundësi që, përmes takimeve të hapura me gazetarët dhe trajnimeve, të merrnin informacion në lidhje me tematikat aktuale, si: funksionimi i medias, bullizimi kibernetik dhe gjuha e urrejtjes online, Inteligjenca Artificiale, higjiena digjitale, lajmet e rreme, dezinformimi, teoritë konspirative dhe çregullimet e tjera të informacionit.
Pjesë e aktiviteteve të Javës ishte simulimi i redaksisë mediatike ku nxënës nga shkolla “Sinan Tafaj” patën mundësi të praktikojnë aftësitë bazë për identifikimin dhe bërjen e lajmit, si edhe të vizitonin redaksinë e televizionit A2CNN. Këto aktivitete ndihmuan pjesëmarrësit të kuptojnë se si është e organizuar dhe funksionon një media, cili është procesi nëpër të cilin kalon përgatitja e lajmit para se të bëhet publik.
Interes të veçantë ngjalli edhe konkursi “Mendo, Krijo, Eduko” ku rreth 40 të rinj sollën punimet e tyre në formate të ndryshme si video, meme, ese, filma me metrazh të shkurtër, që adresonin tema si lajmet e rreme, inteligjenca artificiale, bullizmi kibernetik dhe gjuha e urrejtjes, si dhe mediat sociale.
Lajme të tjera
-
Mbyllja e TikTok, drejtoresha e Agjencisë së Inovacionit në Report Tv: Algoritmi i kësaj platforme krijon varësi! Duhen përdorur teknologji të shëndetshme
24 Dhjetor, 13:30 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
A është zgjidhje mbyllja e TikTok- ut? Flet eksperti: Pro nismës së Ramës, por kontentin me dhunë e gjenerojnë shqiptarët jo platforma
22 Dhjetor, 15:09 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
AKSK: Nisim procesin tekniko-ligjor për bllokimin e TikTok
22 Dhjetor, 08:41 -
Shqipëria mbyll TikTok për 1 vit, reagon kompania kineze: Presim sqarime urgjente! 2 adoleshentët s'kishin llogari tek ne! Rama: E duan 90% e prindërve
22 Dhjetor, 06:59 -
Proteston mamaja e Martin Canit: E çova në shkollë Martinin, por si më erdhi?
18 Dhjetor, 14:27 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57
