POP 5

Lajmet më të lexuara të 5 minutave të fundit

Sociale

Shqipëria po mendon mbylljen e ‘TikTok’, çfarë ndodh me rrjetin social kinez, shumë vende e kanë shpallur ‘non grata’, keqpërdor të dhënat personale

TikTok-u, rrjeti social më i përdorur në të gjithë botën ashtu si në disa vende edhe në Shqipëri rrezikon të ndalohet apo të kufizohet. Ky aplikacion është përballur me akuza për cenim të të dhënave personale dhe përdorim të tyre nga qeveria kineze.

TikTok është një video-aplikacion i cili është bërë viral në të gjithë botën. Platforma sociale TikTok u lançua në vitin 2017 në të gjitha tregjet ndërkombëtare ndërsa në SHBA në vitin 2018.

Aplikacioni i lejon ndjekësit e tij të krijojnë video të shkurtra prej 15 sekondash dhe është bërë shumë popullor kryesisht për të rinjtë. Raportohet se TikTok ka mbi 1 miliardë përdorues, 100 milionë prej të cilëve janë amerikanë.

TikTok është në pronësi të kompanisë kineze ByteDance, por vetë kompania drejtohet nga ish-ekzekutivi i Disney, Kevin Mayer.

Shumë vende, përfshirë Shtetet e Bashkuara dhe Kanadaja, India, Pakistani, Myanmar, Nigeria, Tajvani e kanë ndaluar përdorimin e këtij aplikacioni në pajisjet qeveritare, për shkak të dilemave se mund të ndajë të dhënat e përdoruesve me qeverinë kineze.

“Sipas politikës së privatësisë së Tik Tok, kompania grumbullon një gamë informacionesh si informacioni i regjistrimit, mosha, emri i përdoruesit dhe kodi, gjuha, e-mail dhe numri i telefonit, foto e profilit, informacion i llogarisë së mediave sociale, informacion llogarish bankare.”

Qeveria kineze është gjithashtu në konflikt me Indinë për tensionet kufitare të cilat çuan në mbylljen e 59 aplikacioneve kineze, përfshirë TikTok në Indi.

Edhe mazhoranca socialiste nëpërmjet kreut të grupit parlamentar në komisionin e integrimit hodhi idenë për ndalimin e TikTok-ut edhe në Shqipëri. Nisma kërkon më shumë mbrojtje të të dhënave personale duke ndjekur shembullin që ashtu sikurse disa vende partnere evropiane apo SHBA, edhe Shqipëria të ndalojë përdorimin e TikTok-ut në institucionet publike me dyshimet se pas këtij aplikacioni fshihet Partia Komuniste Kineze.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • DikManJaku: 07/04/2023 16:59

    Lerini more budalleqet.Usa po tenton ta mbylle se po i mer klientet Instagramit.Keto vendet e tjera se paraqit realitetin. Shruaj France ne search te instagramit te del Kulla Eifel Champs Elise Kliko ne Tik Tok France te dalin protestat e punetoreve. Normal qe nuk e duan Tik Tok. Duan vetem rrjetet sociale qe te shkojne mbas fijes.

    Përgjigju
    • Bxl: 08/04/2023 08:50

      E ke then perfekt. Shqiperia nuk mendon asgjë Shiperia pret urdhera si ti thon USA - UE Do behet si ne kohen e Enverit ku askush nuk mund te ankohet !! Kush do ankoht do perfundoj brenda . Populli akoma nuk don ta kuptoj qe do behemi skllever !!! Prit gomr te hash bar - kur doli bari cofi gomari

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Gjykon Nuredin Dumanin dhe 20 të tjerë, SPAK kërkon përjashtimin e gjyqtares Entela Shedula

Gjykon Nuredin Dumanin dhe 20 të tjerë, SPAK kërkon përjashtimin e gjyqtares Entela Shedula

19 Prill, 15:39