Mijëra efektivë policie në të gjithë vendin do të nisin të marrin nga sot vaksinën anti COVID. Procesi nis nga Tirana në stadiumin 'Air Albania'. Lajmi i vaksinimit të policëve u dha dje nga Kryeministri Rama dhe ministrja e Shëndetësisë, Manastirliu gjatë një vizite në Berat. Rama, Manastirliu dhe Drejtori i Përgjithshëm i Policisë së Shtetit, Ardi Veliu inspektuan procesin mëngjesin e sotëm në 'Air Albania'.
11.800 janë punonjësit e policisë së Shtetit dhe Garda e Republikës ka 1300. Drejtori i Përgjithshëm i Policisë Ardi Veliu tha se është bërë një ndarje e të gjitha ditëve.
Gazetari i Report Tv, Sokol Dema raporton se çdo ditë pranë Air Albania do të vaksinohen nga 500 punonjës policie të gjitha reparteve. Vaksinimi vijon paralelisht edhe me punonjësit e policisë në drejtoritë vendore në rrethe, përveç Drejtorisë Vendore të Policisë Berat, e cila ka vaksinuar punonjësit pak ditë më parë. Ndërkohë që mëngjesin e sotëm është vaksinuar e gjithë kupola drejtuese e Drejtorisë së Përgjithshme të Policisë së Shtetit dhe Drejtorisë Vendore të Policisë së Tiranës.
Pas bluzave të bardha, të moshuarve, mësuesve, pedagogëve e gazetarëve, ditën e sotme do të imunizohen me vaksinën anti COVID forcat e policisë. 500 efektivë policie do të vaksinohen këtë të shtunë në ambientet e stadiumit Air Albania. Janë kryesisht efektivë të Forcave të Rendit dhe Forcat e Ndërhyrjes së Shpejtë. Përgjatë gjithë periudhës së pandemisë, përveç bluzave të bardha që kanë qenë në vijën e parë të zjarrit, efektivët e policisë kanë qenë grupi tjetër i radhës i rriskut. Për 13 muaj pandemi si pasojë e COVID-19 kanë humbur jetën 28 punonjës policie, të cilët nuk kanë mundur t'i shpëtojnë virusit të rrezikshëm. Ndërkohë, të infektuar deri më tani në total janë regjistruar më shumë se 2 mijë efektivë.
Kujtojmë se gjatë ditës së djeshme janë kryer 17.023 vaksinime në të gjithë vendin ndërkohë që nga totali prej 172.486 vaksinimeve të bëra mbi 100 mijë janë gjyshe dhe gjyshër. Po dje nisi edhe procesi i vaksinimit të gazetarëve dhe operatorëve i cili do të vijojë çdo ditë në orën 15:00 në sheshin "Skënderbej".
Së shpejti do të nisë vaksinimi edhe për grupmoshën mbi 60 vjeç. Lajmin e ka dhënë ministrja e Shëndetësisë, Ogerta Manastirliu teksa ka inspektuar nga afër qendrat e vaksinimit masiv në Vlorë.
“Jemi duke u përgatitur për të ulur fashën deri në plus 60 vjeç e do ndjekim planin e vaksinimit kombëtar e të vijojmë dhe me grupet e riskut”, tha Manasitliu.
Ajo u shpreh se qytetarët të cilët nuk kanë marrë akoma një njoftim nga mjeku i familjes vetëm me kartë identiteti mund të paraqiten pranë qendrave të vaksinimit.
"Gjithashtu portal E-Albania mundëson dhe aplikimin për të gjithë personat që nuk janë vaksinuar. Të gjithë qytetarët mbi 70 vjeç që nuk janë njoftuar nga mjeku i familjes në të gjithë qendrat e vaksinimit mjafto që të paraqitet me kartë identiteti për tu vaksinuar dhe do të regjistrohet nga mjeku që ndodhet në qendrën e vaksinimit. Mjeku i familjes është e rëndësishme q ëtë vijojë me njoftimin e të gjithë qytetarëve të tij dhe të gjithë të jenë të informuar dhe asnjë të mos ngelë pa u njoftuar”, ka thënë ndër të tjera Manastirliu.
Nga Roskoveci ku ka inspektuar sot qendrën ku po vaksinohen të moshuarit, Kryeministri Edi Rama në komunikim me kreun e Kuvendit Gramoz Ruçi dhe ministren Manastirliu vlerësoi vaksinën kineze ‘Sivonac’.
Ai përmendi një artikull të New York Times për vaksinën kineze, që renditej e para.
"Dje kishte nxjerrë New York Times një artikull, ku kjo vaksinë ishte e para. Ishte e para. Dhe gjithë këto Mbretëritë e Lindjes së Mesme, këtë vaksinë bëjnë. Turqia po ashtu. Janë rreth 50 vende që bëjnë këtë. Po rritet numri i vendeve që e bëjnë", tha Rama.
Pas Tiranës dhe Kukësit, ka nisur vaksinimi i gazetarëve të terrenit dhe efektivëve të policisë edhe në Shkodër.
Vaksinimi i gazetarëve të terrenit në Tiranë nisi që ditën e djeshme, ndërsa sot vijon paralelisht me vaksinimin e efektivëve të policisë.
Kujtojmë se gjatë ditës së djeshme janë kryer 17.023 vaksinime në të gjithë vendin ndërkohë që nga totali prej 172.486 vaksinimeve të bëra mbi 100 mijë janë gjyshe dhe gjyshër.
Paralelisht me Tiranën, ka nisur vaksinimi i efektivëve të policisë edhe në Kukës. Ditën e sotme e marrin vaksinën e COVID-19 165 efektivë të komisariatit Kukës dhe 22 efektivë të policisë bashkisë.
Në Kukës deri më tani janë bërë mbi 2600 vaksina nga kalendari kombëtar i vaksinimit, ku 500 prej të vaksinuarve janë bluza të bardha të Kosovës.
Çdo ditë pranë Air Albania do të vaksinohen nga 500 punonjës policie të të gjitha reparteve. Procesi pritet të përmbyllet për Tiranën deri ditën e enjte me rreth 3000 mijë efektivët e Tiranës. Vaksinimi do të vijojë paralelisht edhe me punonjësit e policisë në drejtoritë vendore në rrethe, përveç Drejtorisë Vendore të Policisë Berat, e cila ka vaksinuar punonjësit pak ditë më parë. Sot janë vaksinuar e gjithë kupola drejtuese e Drejtorisë së Përgjithshme të Policisë së Shtetit dhe Drejtorisë Vendore të Policisë së Tiranës.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19
Me shume nevoj kan policet se sa Populli me probleme shendetsore. Ne gjithe bote behet ndryshe. 28 policat nuk krahasohen me 1500 veta me probleme shendetsore edhe kronike qe kan vdekur nga virusi
PërgjigjuPse police sjan njerez? Nuk e meritojn te vaksinohen e te vazhdoj detyren e tyre ne sherbim te komunitetit.bile bible pensionistet sduhen vaksinuar te parat por ata qe dalin perdit ne pun e levizin rroten e economis ata duheshin vaksinat te paret
O Sefgjin e ke gabim ky popull sa me shume ta rrahesh aq me fort te do A nuk ishin keta qe pretendojne te marrin pushtetin ata qe vrane 26 dhe plagosen mbi 300 vete ne Gerdec? A nuk ishin ata qe vrane para 10 vjetesh 4 qytetare ne 21 Janar 2011? Votoni prape qe te vijne ne pushtet qe te shkaktojne Gerdece dhe 21 Janare te tjere
PërgjigjuPS KA SYNIM VAKSINIM MASIV DHE PERFUNDIM TE D3MECE TE TERMETIR NDERSA OPOZITA KA SYNIM QE TE VDESE SA ME SHUME SHQIPTAR DHE TE QENDROJ NEN RRENOJAT W TERMETIT
Përgjigju