Platforma World Atlas ka publikuar 10 vendet më të varfra në Evropë. Kjo faqe përdor bazën e të dhënave të Fondit Monetar Ndërkombëtar.

Sipas të dhënave për vitin 2025, Shqipëria është renditur si vendi i pestë më i varfër në Evropë, pas Bosnje e Hercegovinës.

Matja është bërë sipas barazisë së fuqisë blerëse. Renditja mat PPB për person sipas barazisë së fuqisë blerëse (PPP), të shprehur në dollarë.

Shqipëria
Popullsia (2024): rreth 2.7 milionë
PBB për frymë (2025): rreth 25,600 dollarë
Statusi në BE: vend kandidat (statusi i kandidatit u dha në qershor 2014, negociatat e anëtarësimit u hapën në korrik 2022)

“Shqipëria ka qenë një nga ekonomitë me performancën më të mirë në këtë listë gjatë viteve të fundit, me një rritje mesatare vjetore të PBB-së rreth 4% gjatë periudhës 2022–2025, e nxitur kryesisht nga bumi i turizmit. Vendi priti rreth 11.7 milionë vizitorë ndërkombëtarë në vitin 2024 (më shumë se katër herë popullsia e tij), ndërsa rritja u udhëhoq kryesisht nga turistët italianë dhe gjermanë.

Megjithatë, pavarësisht rritjes së turizmit, sfidat strukturore mbeten serioze: një popullsi që po plaket me shpejtësi, emigrimi në shkallë të gjerë i qytetarëve në moshë pune, aktiviteti i vazhdueshëm i sektorit informal dhe sundimi i dobët i ligjit vazhdojnë të ndikojnë negativisht në produktivitet. Shqipëria hapi negociatat për anëtarësim në BE në korrik 2022, ndërsa zyrtarët e BE-së e kanë përmendur vazhdimisht si një nga vendet kandidate më të avancuara për anëtarësim para vitit 2030”, thuhet në raport.

Kosova renditet si vendi i dytë më i varfër në Europë me 20,400 dollarë PBB për frymë.

Sa i përket Serbisë, që renditet e teta, ndonëse përshkruhet si ekonomia më e madhe nga ish-republikat jugosllave në këtë listë dhe me bazën industriale më të zhvilluar mes tyre, një nga pengesat kryesore i përmendet normalizimi i marrëdhënieve me Kosovën.

10 vendet më të varfra në Evropë:
Moldavia - rreth 19,700 dollarë
Kosova - rreth 20,400 dollarë
Ukrainë - rreth 21,000 dollarë
Bosnja dhe Hercegovina - rreth 22,800 dollarë
Shqipëria - rreth 25,600 dollarë
Maqedonia e Veriut - rreth 24,300 dollarë
Bjellorusia - rreth 25,500 dollarë
Serbia - rreth 28,500 dollarë
Mali i Zi - rreth 31,000 dollarë
Bullgaria - rreth 36,000 dollarë