Shqiponja dykrenore ka ‘tërbuar’ serbët në këtë kampionat botëror. Pas dy futbollistëve shqiptarë, Granit Xhaka dhe Xherdan Shaqiri, që bënë shqiponjën teksa shënuan kundër Serbisë gjatë ndeshjes me Zvicrën, simboli i shqiptarëve është bërë dhe nga një futbollist arab.
Ka qenë lojtari i kombëtares së Arabisë Saudite, Salem Al-Dawsari, i cili ka festuar golin e tij ndaj Egjiptit duke bërë shqiponjën.
Goli në sekondat e fundit nga Al Dawsari i dha fitoren Arabisë Saudite, pasi arriti të përmbyste Egjiptin në fitoren 2-1, që i dha edhe 3 pikët e para ekipit të tij.
Por, ajo që bëri përshtypje ishte festimi i Salem Al Dawsarit me shqiponjë, duke kryqëzuar duart menjëherë pasi shënoi golin.
(Futbollisti arab duke festuar me shqiponjën golin)