Shqiptarët blejnë ushqimet me kursimet në bankë! BSH: Në korrik depozitat u tkurrën me 568 milionë lekë

Shqiptarët kanë nisur të shpenzojnë kursime e tyre për të përballuar kostot e jetesës që rriten muaji pas muaji për shkak të krizës së çmimeve. Për të blerë ushqime, karburant apo produkte të tjera, familjet po prekin paratë e ruajtura.

Tërheqjen e kursimeve e fakton Banka e Shqipërisë kur thotë se depozitat në muajin korrik janë ulur me 568 milionë lekë, në krahasim me muajin qershor. Totali i depozitave në fund të muajit të korrikut arriti në rreth 1 trilionë e 239 miliardë.

Efekti negativ që po shkaktojnë çmimet e larta në buxhetet familjare, sipas Bankës së Shqipërisë po shfaqur shenja ngadalësimi tek konsumi që është edhe leva kryesore për rritjen ekonomike të vendit.

LEXO EDHE:
Në 3 muaj 1.5 mln turistë të huaj vizituan Shqipërinë, 47% më shumë se vjet! Vijon zhvlerësimi i euros

Ndërkohë qeveria aktualisht po punon për paketën e dytë të rezistencës sociale, 2 muaj pas përfundimit të ndihmës së parë. Pritet që në shtator pensionistët dhe familjet në nevojë të marrin ndihmën financiare prej 3 mijë lekësh për të përballuar kostot e shtuara prej çmimeve të larta.

Për paketën e dytë në buxhetin e shtetit të rishikuar në korrik janë caktuar 6.1 miliardë lekë, si mbështetje për kategoritë e lartpërmendura, për ndërtuesit, për bujqësinë si dhe për biznesin e vogël që të mos i rritet më tej çmimi i energjisë elektrike.

TAG:
• kursime
• krize financiare
• ushqime
• kredi
• banka e Shqiperise

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.9%

• Keq

  62.4%

• Nuk e di

  13.8%

Vota total: 574

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di