POP 5

Lajmet më të lexuara të 5 minutave të fundit

Ekonomi

Shqiptarët investojnë në pasuri të paluajtshme, 70 % e kredive për prona

Banka e Shqipërisë raporton se është rritur kreditimi i biznesit dhe i individëve në tremujorin e fundit të 2019-ës. Sipas statistikave bankare, qytetarët shqiptarë po investojnë çdo ditë e më shumë në pasuri të patundshme, pasi 70% e kredisë së marrë shkon për blerje pronash.

Qytetarët shqiptarë po orientohen më shumë drejt investimit në pasuri të paluajtshme. Referuar të dhënave të Bankës së Shqipërisë për tremujorin e fundit të vitit 2019, kredia hipotekore (për blerje banese) ka pasur ecuri pozitive krahasuar me ecurinë e luhatshme të kredisë konsumatore, përkatësisht në vlerën e 8.7% dhe 3.8%. Kredia hipotekare përbën pjesën më të madhe të kredisë për individë, rreth 70% të saj.

Në tremujorin e katërt të vitit, fluksi i kredisë së re për individët ishte rreth 15.6 miliardë lekë. Edhe pse kërkesa për kredi në fund të vitit ka qenë më e lartë se vitet e tjera, bankat vlerësojnë se ajo nuk ishte në nivelin e duhur për shkak edhe të tërmetit të nëntorit. Kredia më e madhe është marrë në monedhën kombëtare, ndonëse norma e interesit ka qenë e lartë, në vlerën e 6.7% duke u rritur lehtë nga viti 2018. Ndërsa kredia në euro ka pasur normë interesi 3.8% në tre vitet e fundit.

Nga ana tjetër, edhe kredia për bizneset raportohet se ka pasur ecuri pozitive: në tremujorin e fundit të vitit 2019, u rrit me 6.5 miliardë lekë, duke shënuar një përmirësim të lehtë të normës vjetore të rritjes, në mesatarisht 8%. Ecuria pozitive sipas Bankës së Shqipërisë është ndikuar nga lehtësimi i standardeve për kreditim nga ana e bankave tregtare. Kredia për bizneset në tremujorin e fundit është mbështetur nga kreditimi për sektorin e shërbimeve dhe atë të tregtisë. Ndërsa bujqësia ishte i vetmi sektor që shfaqi tkurrje të kredisë krahasuar me një vit më parë, me rreth 7%. Në fund të vitit 2019, kreditë me probleme të bizneseve ndaj totalit ishin 10.7%, niveli më i ulët i dhjetë viteve të fundit.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46