POP 5

Lajmet më të lexuara të 5 minutave të fundit

Ekonomi

Shqiptarët nuk paguajnë dot borxhet, BSH: Familjet me pak lekë, do rriten kërkesa për hua

Sipas një raporti të Bankës së Shqipërisë thuhet se aftësia paguese e huave nga familjet ka rënë në 6 muajit e parë të vitit, dhe pritet një rritje e kërkesës për borxh në muajit në vazhdim. Sipas vrojtimit të kryer vihet re se 41% e familjeve kanë përkeqësim në aftësinë e tyre paguese.

Edhe pse ekonomia ecën drejt përmirësimit, Banka e Shqipërisë në raportin për stabilitetin financiar në 6-mujorin e parë të viti, pret një rritje të huave nga familjet. Kurse ata që kanë marrë borxhe deri tani për arsye të ndryshme, nuk kanë fuqi shlyerjeje.

“Rezultatet e vrojtimeve për gjendjen financiare dhe ngarkesën në borxh të familjeve, tregojnë se përdorimi i borxhit prej tyre mbetet i kufizuar. Për familjet huamarrësve, gjatë periudhës është vënë re një rënie e aftësisë pagues. Për të ardhmen e afërt, duket sikur kërkesa për borxh do të jetë më e lartë, nga familje që nuk kanë pasur borxh më parë”, thuhet në raport.

Si pasojë e rënies së të ardhurave familjare Banka raporton edhe për një rënie të kreditimit të tyre pasi pasiguria për të ardhmen është e lartë. Po ashtu në një vrojtim të zhvilluar për periudhën Janar-Qershor mbi gjendjen e huamarrjes se familjeve, vihet re se aftësia paguese e tyre ka pësuar rënie. 41% e të pyeturve thonë se kanë përkeqësim në aftësinë e tyre paguese, çka sipas anketës së Bankës së Shqipërisë mund të jetë edhe një reflektim i përkeqësimit të përgjithshëm të situatës ekonomike në vend si pasojë e pandemisë COVID-19. Edhe pse pjesa e izolimit total është kapërcyer, përsëri familjet presin rendim të situatës së tyre, njësoj si edhe konstatimi i ekspertëve të bankës.

(Një tjetër tregues pesimist që jepet në vrojtimin e zhvilluar për gjendjen e huamarrjes se familjeve tregon se 60% e familjeve huamarrëse thonë se nuk zotërojnë asnjë lloj pasurie, duke u rritur me 17%.)

Ndërsa 29% e familjeve huamarrëse thonë se pagesa e këstit është mbi 30% e totalit të tyre të të ardhurave. Por pavarësisht kësaj situate Guvernatori Gent Sejko tha se ekonomia ka vijuar të përmirësohet në tremujorin e tretë, por që rezultatet pozitive priten në 2021.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça