POP 5

Lajmet më të lexuara të 5 minutave të fundit

Ekonomi

Shqiptarët vijojnë të kursejnë! BSH: Depozitat u rritën me 660 mln euro krahasuar me majin e vitit 2020

Sipas raportit të fundit të Bankës së Shqipërisë stoku i depozitave në fund të muajit maj ishte mbi 9.2 miliardë euro, me një rritje prej 660 milionë eurosh krahasuar me të njëjtin muaj të vitit të kaluar. Shkak për kursimet mbetet pasiguria e shkaktuar nga pandemia.

Edhe pse duket se lufta ekonomike me pandeminë po fitohet, pasiguria vijon të jetë prezente, pasi qytetarët vazhdojnë të kursejnë. Banka e Shqipërisë raporton për rritje të depozitave me më shumë se 6.9 miliardë lekë në muajin maj krahasuar me muajin prill.

Në total në fund të majit depozitat arrinin në 1,134 trilionë lekë (9,269 miliardë euro), nga 1,127 trilionë lekë në muajin prill. Kursimet kanë arritur në nivel rekord që prej vitit 2006, dhe depozitat janë rritur më shumë gjatë këtij viti.

Sipas të dhënave të bankës së Shqipërisë krahasuar me majin e vitit të kaluar, stoku i depozitave është rritur me 80.804 miliardë lekë (659,9 milionë euro). Praktikisht nga maji i vitit të kaluar në çdo ditë janë depozituar 221.3 milionë lekë.

Tendenca për të kursyer nisi në fillim të pandemisë në vitin e kaluar për shkak të pasigurisë së lartë që shkaktoi pandemia, dhe të frikësuar për të ardhmen qytetarët vendosën të kursenin duke mbyllur paratë nëpër banka.

Sipas ekspertëve të fushës kjo ishte një situatë e pritshme e përhapur thuajse në të gjithë Evropën, por që për ekonominë nuk është pozitive për shkak se mungesa e konsumit frenon investimet dhe rimëkëmbjen ekonomike.

Shkak tjetër që tregojnë ekspertët për këtë tendencë për të rritur kursimet ka të bëjë edhe me mundësitë e investimeve. Duke qenë se pandemia goditi një sërë sektorësh bëri deri diku të pamundur planifikimin e investimeve, dhe qytetarët investimin më të sigurt shikojnë mbylljen e parave në banka edhe pse normat e interesit janë tepër të ulëta.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Këto janë pemët më të veçanta në mbarë botën për festat e fundvitit

Këto janë pemët më të veçanta në mbarë botën për festat e fundvitit

27 Dhjetor, 13:14