Vranë në mënyrë makabre 20-vjeçaren në sy të foshnjës, mediat greke flasin për një 'shqiptar të pamëshirshëm'

 “Policia e di se kush është shqiptari i pamëshirshëm i cili vrau Carolinen”, ky është titulli kryesor i disa prej gazetave greke.

Bëhet fjalë për ngjarjen që ka tronditur Greqinë por jo vetëm, pasi lajmi i vrasjes makabre të 20-vjeçares pranë foshnjës dhe bashkëshortit të saj nga 3 grabitësit, ka bërë xhiron e botës dhe ka shokuar!

Gazeta “Expresso” shkruan tekstualisht se policia e di se kush është vrasësi i pamëshirshëm i Carolines dhe se ai është një ish i dënuar për vrasje dhe grabitje dhe sapo ka dalë nga burgu.

Disa ditë më parë, bashkëshorti i 20-vjeçares, në një dëshmi për policinë ka përshkruar me sa kishte parë 3 grabitësit, njëri prej të cilëve i korrespondon shqiptarit, siç shkruan edhe “Expresso”.

Po cili prej të treve është ai?

Mediat greke shkruajnë se është i “shkurtri”!

Po cili është i “shkurtri”?

Charalambos Anagnostopoulos, bashkëshorti tragjik, tha për policinë se njeri prej tyre ishte më i shkurtër ose ndryshe "koka". 

“Dy ishin relativisht të gjatë, afërsisht nga 1.80, të dobët por të palestruar. Ndërsa i treti ishte më i shkurtër, rreth 1.70, dukej të ishte ‘koka’”.

Ndërkohë policia greke ka arrestuar një 36-vjeçar me origjinë gjeorgjiane.

Ky është arrestuar nga policia greke me pasaportë false teksa po mundohej të udhëtonte drejt Bullgarisë dhe sipas policisë i ngjason përshkrimit që ka dhënë 34-vjeçari.

Më herë policia ka deklaruar se 3 grabitësit janë pjesë e një bandë kriminale shqiptaro-greke!

Kanë kaluar 7 ditë nga momenti kur 3 grabitësit i morën jetën Carolinës, pranë foshnjës dhe bashkëshortit të saj.

Policia nuk po ndal ritmin e punës deri në gjetjen dhe dënimin e autorëve të krimit!

J.GJ./Shqiptarja.com

TAG:
• greqi
• vrasje
• shqiptari ne greqi