POP 5

Lajmet më të lexuara të 5 minutave të fundit

Bota

Shqiptari me ‘shtëpi bari’ në Angli, dënohet 19 javë burg! 31-vjeçari: Punoja për të larë borxhin e pagesës së gomones

Skllavëri moderne, e ka quajtur avokatja e një 31-vjeccari shqiptar udhëtimin e tij me gomone në Angli përmes kanalit të la Manshit. I riu u dënua me 19 javë burg por avokatja e tij tha se ai u detyrua të kujdesej për bimët narkotike pasi do bënte pagesën tek trafikantët që i mundësuan hyrjen ilegale në Angli

Një 31 vjeçar shqiptar që arriti ilegalisht në Angli me gomone përmes kanalit të La Manshit, është burgosur nga gjykata me akuzën e kultivimit të kanabisit. Dëshmia e tij në gjyq dhe provat e paraqitura në proces, treguan se ai ishte shtyrë të punonte në këtë aktivitet për të larë borxhin në të cilin familja e tij hyri për të paguar pikërisht rrugëtimin e tij ilegal drejt Britanisë.

Gazeta “Tekegraph &Argus” shkruan se Jurgen Cuni, 31 vjeç, u arrestua nga policia në adresën në Ormondroyd Avenue, VVibsey, më 23 korrik. Gjykata e Bradford e deklaroi fajtor për prodhim të kanabisit dhe vendosi ndaj tij një dënim prej 19 javë heqje lirie.

Gjatë procesit, akuza tha se agjentët e policisë ndjenë erën e kanabisit pranë banesës dhe hynë për kontroll duke gjetur të riun të fshehur pas derës. Gjatë arrestimit, ai u tha policëve se kishte dy javë që po kujdesej për 51 bimët e kanabisi ndërkohë që policët gjetën prova që tregonin se bimë të tjera ishin rritur dhe korrur aty.

Konkretisht ekipi i policisë gjeti bimë të prera, kanabis në tharje dhe mbetje bimore si dhe vazo të përdorura për rritjen e bimës narkotike. Jurgen Cuni tha se ishte viktimë e skllavërisë moderne, ndërsa avokatja e tij, trego se i riu punonte me kanabisin për të paguar paratë që i kishte borxh në Shqipëri si pasojë e shumës që i ishte kërkuar si pagesë për udhëtimin me gomone drejt Britanisë.

31-vjeçari mbërriti atje në mars të vitit të kaluar me gomone por u zbulua nga policia. Fillimisht ai u burgos për gjashtë muaj për shtëpinë e barit por pranimi i tij e uli dënimin në 19 javë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57