POP 5

Lajmet më të lexuara të 5 minutave të fundit

Shqiptari në Kanë, kush është Ilir Jaçellari që luan rolin e një kosovari në filmin e shkurtër italian ‘Berberi komplotist’ që kryesoi në ‘La Cinef’

Në filmin Italian “Berberi komplotist” që kryesoi në kategorinë e filmave të shkurtër në Festivalin e Kanës “La cinef” luan një shqiptar. Aktori nga Lushnja Ilir Jaçellari, i biri i shkrimtarit Halil Jacellari e nxënës i Faslli Halitit, prej vitesh është një emër i dëgjuar në kimenatë dhe teatrot italiane, ndërsa kësaj here ka interpretuar rolin e një kosovari.

“Berberi komplotist”, një komedi sarkastike, ku ndërthuret paranoja, teoritë e konspiracionit e varësitë nga rrjetet sociale, ka kryesuar në garën e filmave të shkurtër “La Cinef” në Festivalin e Kanës… Pjesë e kastit që  çoi drejt suksesit regjisorin italian Valerio Ferrara, është edhe artisti shqiptar Ilir Jaçellari, që interpreton rolin e një kosovari.

Ngjarja zhvillohet në një lagje të varfër në Romë, ku në qendër të historisë është berberi, i cili i dhënë pas teorive të komplotit, vihet në lojë nga familja dhe shoqëria, derisa situata bëhet serioze e ndërhyn policia.

Shqiptari Ilir Jaçellari është një figurë e njohur për publikun Italian.  Bir arti, me të atin Halil Jaçellari shkrimtar e nxënës i personaliteteve si Faslli Haliti dhe Gjergj Lala, Iliri ka studiuar pikturë dhe aktrim. U largua nga Shqipëria drejt Romës në vitin 1991 dhe në Itali ka luajtur në teatër dhe kinema në një sërë filmash dhe serialesh.

Ky është edicioni i 75-të i Festivalit të Kanës, që ka nisur prej 17 majit, ndërsa nesër mbahet finalja ku do të përzgjidhet edhe fituesi që do të fitojë  çmimin “Palma e artë” nga 21 filmat në garë. 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03